2019年12月8日 星期日

金毛獅王 817

賣出寶龍5000@4.93, 仲有2萬股
賣出小米4600@9.4

買入金毛817 10000@5.37, 共持有24000股

內房我唔係好熟, 好多都係跟大神們買, 基本上今年求其篤一隻正常的 , 除左咩首置...遠洋....北辰(呢隻我有...) 之外點都升十幾廿個%無難度, 但係始終自己抄功課, 唔會敢重倉, 都係賺下呀女D 上堂錢 (大佬上一季蒙特sorry 都成皮...)

一開始買左幾皮野佳笑孽, 諗住一係唔買, 一買就買最痴線的, 一買即升10%, 之後再睇下, 喂個大股東好似流流地, 比大陸通緝緊都唔敢番去, 發債只可以發境外, 又負債負到痴左線, 之後就換左寶龍

一換又升左10%, 之後又發現隻野今年原來已經升左倍幾, 於是5.7就沽左換金毛, 好彩地一換寶龍就配股跌到5.2, 同時金毛又升左幾個巴, 又執少少, 於是屎忽痕就換番寶龍

之後就出事, 一踢出指數就插, 最低去到4.3, 我溝左幾野成本都仲要4.9, 好彩睇過隻野都正正常常就由佢, 跟住先正正經開始睇下咁多隻內房有咩分別, 原來都幾有趣, 各有各特色

合景:
高息之餘比我感覺唔係發債派錢

寶龍:
國內搞商業數一數二, 淨係商場收入夠頂千億利息

北辰:
國企煙蒂一隻, 代替242 的煙蒂角色, 大股東等水搞冬奧, 有望派高息

金毛:
國企, 極低破產風險, 品質保証, 係大陸有一套金毛府係身份像徵, 用城市營運黎拿地, 成本極低, 未來高結算, 值博率高而風險相對低, 有興趣可以睇下蔡金強的分析, 要買就買高幻想, 哈哈


結論, 任何股都其實有用武之地, 老土講句, 當你手中拿住鎚, 你眼中自然全是釘子, 倉位!!倉位!! 倉位!!


5 則留言:

  1. 我覺得817和1638都買得過。817就公認係好野,唯一缺點是在深圳的發展項目不多,深圳收租物業就完全無。
    1638就係最多深圳發展項目,是它最大特點。雖然它的負債水平極高,但它2015年被限制樓盤發售,都頂得住無執笠,證明其管理層唔係蠢,現在深圳樓市係全國最強,無理由呢個時候反而捱唔住。

    回覆刪除
    回覆
    1. 我反而咁睇,內房普遍低估,百花爭艷的情況下,大股東風險顯得極其重要,郭老總份人有d爭議,亦因為咁,1638低估中的低估不是無原因

      刪除
    2. 咁大股東風險就是低估的原因了,不過2015年的事件顯示郭氏兄弟無參與管理的時候,其餘高層人員都可以繼續營運公司,小股東不用膽心。

      刪除
  2. 588北辰就唔敢買了,睇報道話佢有些百貨公司,生意唔好而執笠,然後改為商場,但人流仍然唔多,管理層都無哂辦法。

    回覆刪除
    回覆
    1. 588睇下今年業績有無小動作,都係當煙蒂玩,唔好當佢內房:p

      刪除