2019年10月16日 星期三

沒意見...你想怎樣我都隨便

中央話係澳門搞個交易所, 即刻有一百幾十人話咩想取代香港, 又話澳門洗黑錢....

搞個人民幣離岸中心je...唔洗講到洗黑錢咁嚴重....分到十分一香港的人仔離岸業務都禾味龍.....

林鄭放鬆按揭成數, 即刻又有一百幾十人話係推人入火坑....要人還錢一世....惡毒呀....

400萬條line 搞到個市畸型左咁耐, 放鬆唔好咩? 真係只有弊無利推人入火海局你賭?

咁不如收緊按揭啦? 400 萬降到200 萬, 唔知大家覺得如何?

林鄭搞明日大魚造地又比人插, 搞放鬆按揭又比人插, 讀個包膠都比人插, 班議員除左識搞小動作中斷人地讀包膠仲識乜? 777乞人憎就一定架啦, 但你帶住個人感情去做野, 未即係醫生唔肯醫D 犯罪份子囉..小學雞到不得之9鳥又無建樹,

不過政客其實都係一個演員, 要演好自己的角色, 反對派就要反對到底, 可能其實佢私低下同777 放左工去happy hour 唔通又話你知? 總之話之你出咩政策, 肯定有野挑到骨頭, 唔愁無工開, 嘈幾下收十萬一個月, 有咩工比呢班演員更好撈?



20 則留言:

  1. 香港停滯不前真係多得反對派唔少..

    回覆刪除
    回覆
    1. 反對都要solution 比到先對得住份糧嘛

      刪除
  2. 反對唔緊要...但係為反而反就...
    但另一邊都建制派都唔見得好...太多豬隊友...如果唔係反對派生存空間唔會有而家咁大...

    回覆刪除
    回覆
    1. 兩邊都廢,一邊為撐而撐,一邊為反而反,無人真心為件事好,悲!

      刪除
  3. 慘就慘在頂樓個廚房太熱,熱到成間Penthouse都就快熔。

    咁熱ge屋又點會有叻人想住呢? 景觀幾靚都冇命睇啦!

    唔好話入屋,而家連低層ge人都陸續遷出啦。

    回覆刪除
  4. 其實成個立法會入面根本都冇一個人係提出解決問題嘅方法, 佢哋只會一直提出問題,雞蛋裏面挑骨頭。
    有陣時我覺得如果立法會議員嘅薪酬可以按表現嚟俾,相信香港嘅未來一定係好光明。

    回覆刪除
    回覆
    1. 收咁多錢入去叫下口號就收工番屋企, 再唔係搞下D 弱智出位舉動

      辛苦了出面捱生捱死的專業人士....

      刪除
    2. 其實, 這就是政制問題, 淨係得把口, 唔使負責; 更有甚者, 俾班激青覺得淨係得把口都唔准, 要DQ, 攪到香港嘔晒泡

      刪除
    3. D 小學雞的行為真係令人質疑佢地連基本的智商考試都未必PASS

      刪除
  5. 所以我都唔多講政治,一邊廢既,一邊只係攪破壞,冇建設
    香港前途可悲,政治最好理少d,留多d時間做好自己把啦

    回覆刪除
    回覆
    1. 對啦, 每個地方都有問題, 都係問下自己點利用本身優勢做好自己算了

      刪除
  6. 林特首從尋日事件完全顯示出她軟弱的一面。施政報告被抗議兩次就收爐。

    如果她有吉士,好似朴正熙咁,有刺客射低左佢老婆,都堅持完成演說,咁先顯出能耐。


    回覆刪除
    回覆
    1. 林77 由一開始被人好硬朗...到灑淚...都知佢搞唔掂....睇佢都係想平安過埋餘下任期算...

      BTW 師兄你個例子有D 正, 哈哈

      刪除
    2. 用朴正熙同林鄭比,當然侮辱了朴,朴是韓國百年先一遇的政治家。

      但他前梁特首比(質問梁家傑是否支持港獨),甚至和曾爵士比(黃毓民黑社會問)。都差的不是一皮。

      刪除
    3. 她不值一哂, 但北京在想什麼?

      刪除
    4. 我無諗得咁複雜,我覺得純粹係一個饅頭引發的血案,其實77之前都推左國歌法等等,入左3球以為第四球都無問題,大腳一抽先知抽爆自己龍門

      刪除
    5. 認同老王。

      現在回看,之前林鄭的實在太順。一地兩檢通過無波欄,占中事件在攪局人入了獄。威力巨力的山竹也沒有造成傷亡。反對派那邊連補選都勝不了,貌似已全控大局,還想著可以明日大嶼。自滿招損,誰也估不到修例事件可以令她一鋪清袋。

      刪除
  7. 老王兄講得生動,我一路笑一路睇,非常認同

    回覆刪除