2024年10月2日 星期三

炒落後

唔知而家係唔係時候炒落後, 但高追的風險已慢慢增加, 短期來個回調勢在必行, 越遲回調交換籌碼整固, 回調時的獲利盤出逃就越誇張, 試想想你手上已有5成以上利潤, 突然回調到四成, 正常都會先吃為敬, 然後三成....兩成....

既然第一波先機已失, 唯有準備好做下一波, 如果無下一波, 咁都唔會而家高追熱門股咁大風險

首先尋日追左的係86, 理由係同比惠理升到癲, 86 都管成百億資產, 加上9厘紀錄良好, 算係攻守兼備

然後2388, 5, 大新, 都係未炒起的港銀

700 因為相對比其他落後, 所以都值得小注

然後仲未炒起的港股, 其中一個就係火電, 然後就係我的廢老電訊商, 雖然941 終於都郁下, 但人地指數勁升三成你先郁3%, 我都要寫個服, 不過會郁就好, 唔好星期一柒柒北水回來又沽....

手上仲有約1成倉的215 315 , 今日應該都會繼續換落後股, 總之保持理性, 永遠可以笑到最後, 咩內房券商爆升五倍, 只係一個神話, 普通人能大注成功的, 係叻, 但對我黎講同誠哥白手興家一樣, 哇完就算

總之, 牛市係慢慢走出黎的, 只有事後先知係真牛定假牛, 呢一刻高呼上証6000, 恒指3萬太傻了

每個牛市的頂或回調時, 你都唔知下一浪會唔會再升番上去, 以變戰變, 隨時調整策略, 一定要用魔法打敗魔法, 其實最好係好似無汗大佬咁低谷all in 指數, 錯過左唯有繼續挑戰自己, 賺唔到錢都賺到滿滿的經驗與汗水

2024年9月29日 星期日

繼續215 315 換941

 941 繼續血包, 我一早已有跑輸大市的打算, 但真係估唔到會跌


繼續將215 315 換入, 唔敢再將其他股換941 了, 讓其他股飛一陣先

2024年9月27日 星期五

牛市踏空難受比輸錢高倍

過去三年港股低迷, 渣住一堆收息股天天樂呵呵, 但形勢突然係三日內改變, 鐘擺由極悲三日內變到極好, 港股成交三日內極速打破紀錄, 已經差不多可以confirm 唔係普通老散或空頭平倉咁簡單

呢三日雖然都有錢賺, 但係比起爆升的真係微不足道, 特別係941 嚴重拖後腿情況下, 毛估成個倉只賺3% 左右...

為免踏空過去分別買入少量幾隻龍頭消費, 仲買左幾百股港交所, 兩三日升20-30% 後我就分批賣左轉血包941 762, 呢個操作而家睇好似錯錯地, 因為如果真係外資重回, 咁可能要用2021年以前的股價做比對會比較合理

做得比較對的係將牛熊不相關的215 315 減倉轉去941 762, 但力道唔夠多, 315 因為短期內升左10% 所以減得比較多, 215 因為執行力不足減得比較少

牛市階段一搬先拉金融股同超跌股, 之後回歸理性後如果繼續升可能係內需股或其他, 最後先會拉防守公用股, 呢段時間如果全持公用股, 真係會好難捱

要係真牛市和假牛市之間拿取平衡, 最穩陣係將215 315 先換到大部份去最後升的防守股, 然後再分中倉比一些預計中段會升的, 最後分少倉比已爆升的消費和科技, 穩中求勝係我的宗旨

而家持有的牛市受惠股太少, 只怪自己過去收息太安逸, 已過錯了重倉REITS, 科技, 消費的機會, 要打自己三巴, 但痛定思痛, 所有行動最好的執行日期係今天

215 315 肯定係要換走的, 但換什麼好? 5000 億保險基金貸同3000億企業回購貸, 最後受惠的肯定係央企分紅股, 特別係破淨, 極殘, 被人當垃圾的, 其次係941 883 之類風險低分紅高的, 所以我個人覺得如果中央係真做, 公用央企的啟動時間不會比其他題材股慢很多

只係身在牛市, 一日的差距可以係以前一年的差距, 睇住其他股升一個月, 哥種感受, 絕對係好似天劍無名入劍輪受萬劍穿身之苦咁慘...

所以為左平衡身心, 持有少量倉位的大市同步股, 係必須的


PS. 呢幾日最受惠的竟然係我個供左十幾年的MPF 戶口, 一直全港股無理, 升左10%, 就黎番家, 算係少少安慰, 哈哈

2024年9月26日 星期四

請記住牛市如果來到

牛市消費TMT內房全面爆升, 941 等公用股領跌, 其實都好明顯, 就係港股除左收息股外實在太殘

消費龍頭竟然可以10PE, 係炒股多年未見, 仲要業績唔係衰

今波第一下肯定係將以前不合理的先爆升一波, 而做血包的就係呢兩年強勢的收息股, 無計

但一日收息佬, 終身收息佬, 寧願買215 315 呢D 都唔願重倉消費科技, 都無得講

只係如果真係牛市, 最後941 762 等大藍醜應該都會受惠...掛?

正如一位大佬講, 要信就一開始信, 如果升左幾浸先高追, 又係進退失據, 血的教訓

今日睇位將熊市三寶 8 215 315 換多少少去中特估, 盡量享受下最後的盛宴

2024年9月25日 星期三

殺呀~~762

強力賣出315 50000 股, 買入762

我又番黎啦~老朋友


後記, 沽蒙牛, 安踏, 潤啤, 淨番少少看戲

買入2000 股941, 10000 股762