2020年4月29日 星期三

氣氛大好

身邊好多朋友已開始看多, 美國好消息不斷加上侵爺做勢, 短期似乎好難看淡了( 財演上身??) 港股強板塊越戰越強, 走出牛一先升強勢股的行情, 美股朋友低撈Tesla 同DAL 都爽翻天了

未來唔敢看太淡, 但提醒自己保持戒心

下星期有機會就將組合的弱股轉一半到未發力的強股, 例如BABA, JD

呢幾日不敢不配少少物管, 太強, 主要買入奧園健康同時代鄰里, 但佔好少倉, 叫做緊貼下潮流

另外之前買入的934 都升得不錯, 有私有化同賣管概念, 加上未來現金需求低, 有加大派息的潛力, 其實只比1883弱一DD 就係因為係國企.

另外買左極少新天綠色, 回A 派息是肯定了, 問題只係幾時

豐盛未來都有機會成為核心收息, 用10PE 買老母業務加上行業比較穩, 又無乜負債, 未來應該不錯, 不過要慢慢收集交投太少了

未來收息依然係我主路, 畢竟我淨係識呢D 架咋, 叫我強行做大注撈底操作我一定一獲泡

回想一年前的自己, 淨係識買長和系, 本地港股, 對內地股不屑一看, 真的太小學雞了, 自己持股都有好大改變, 我覺得眼界闊了很多, 雖然未必賺到錢, 但思考空間大了, 不必再執著於某一類股, 學JACK 兄話, 股只係實現你邏輯的工具, 跟本唔洗花太多時間研究什麼個股, 你邏輯對, 就會賺錢, 太有道理了

PS. 越秀基建真係走漏眼. 其實應該一早知如果宣布收費就必會大升, 又來個事後孔明, 下一隻會唔會係新創建?

10 則留言:

  1. Looking back to basic financial results over past 5 years(from aastocks.com), 001.HK is definitely an excellent enterprise!

    It is just not so popular to speculative investors and so reflected in its share prices.

    But all these were passed. At present market price, considering its low P/E, low PB, >5% div. yield, diversified worldwide businesses, Li's Family as major shareholder, ... I think it is still much undervalued.

    I am considering to buy it more.

    ^_^

    回覆刪除
    回覆
    1. 油價跌穿Victor 哥的25蚊預測, 意味住001 有機會被拖累更多, 要留意下

      刪除
  2. 收息只是容易計到數,睇盤生意穩定與否就得,要炒消息,當然要技高一籌啦

    回覆刪除
    回覆
    1. 都岩, 收息某程度看現金流, 的確比較大路

      刪除
  3. 呢個係好典型的市場先生。明明個幾月前先好似世界末日咁,呢一刻又老人痴呆地唔記得晒之前的事喺度叫gogogo 了... (我都係其中一個買上的人)

    回覆刪除
  4. 王兄,每當老散指數急升的時候......

    回覆刪除
  5. 記得早兩個月股市氣氛好好, 王兄當時都寫了一篇"彷彿沒有肺炎", 之後無幾耐就大跌市了.
    肺炎未走, 到底而家的升幅只係紙上富貴, 定係真正的一升無回頭, 真係無人知. 每次升都覺得係最後逃生門, 但每次跌又覺得其實經濟面仍然係差回跌係正常...
    可能只有不斷提醒自己, 所有人包括自己, 都係善忘的, 歷史俾我地的教訓只係我地永遠吸收唔到教訓...
    期待王兄將來更多好文章.

    B

    回覆刪除
    回覆
    1. 一般股民記憶最長不超過兩年...
      係呀, 而家又好有當初寫武肺時的感覺, 希望今次可以做得好D, 一齊加油

      刪除