一個朋友

最近身邊開始有越來越多朋友不斷分享屬於自己立場的片, 新聞

其中一個朋友自稱是理性討論者, 但點解我見佢分享的全是一面倒?

我開始奇怪, 點解無一個人會將不同意見的片都分享呢?

所謂譴責暴力的人, 我所見的也只是譴責不同立場的暴力行為

即使係主流媒體, 都只係盡全力咁報導某一方的不是, D 片越爆越好

我所見過兩條最痛心的片

一條係幾個警察壓住個成面血的後生仔, 個後生仔係咁講對唔住...

一條係今日有個媽媽抱住個仔想登機, 比人圍住, 佢喊住咁問點解....

我知, 你想話個後生仔自己攞黎, 出得黎就預左?

我知, 你想話班後生都係想爭取五大訴求, 係政府唔回應, 要怪就怪政府?


大家會唔會夜深人靜時回想一下, 呢兩三個月係咪突然有大量資訊舖天蓋地咁係我地身邊出現, 然後自已思想上也跟住出現了變化?

我地每日所看的, 媒體所報導的, 朋友share 的, 甚至係自己所堅持緊的立場, 是否真係咁理所當然同無懈可擊?

從我朋友身上, 我發現某種思想一但稙入腦中, 就會不斷自我強化

我之所以打緊呢篇文, 可能都只係因為某種自己強化了的想法, 但我不認為我一定是對的, 學某個前輩講, 係你想說服人之前, 請你先假定你係所有人當中最無知的, 你先可以同人理性討論

當然, 依我暫時所見, 跟本就無人想理性討論

"理性討論? 你無野下?喂黑白是非已經好明顯啦? 你仲有咩想要討論? "







飲大兩杯...失言了

長和5厘

我就黎頂唔住啦.....

長和就黎5厘啦...

好想好想好想大大一注買落去之後唔理呀...

忍呀忍呀....

長和係誠哥年代從未減過派息, 除非鉅頭打破傳統, 咁我真係抵輸...當自己高位買左龍床盤吧

買入長實, 信德

暫時決定撥出 2成資金分三注增持港股, 今日買入1113, 242

下一注看情況入17, 1113, 34

每增持一次, 個腦就會少一分理性, 要係自己仲可以清醒時制定策略

上月以為條例過唔到就可以繼續音樂椅, 事後証明係錯的

買貨唔係代表我看好, 正因為唔知幾時先會復原, 先要開始慢慢買

斯托克代爾悖論

斯托克代爾是美國的一個海軍上將，在越南戰爭期間，是被俘的美軍里級別最高的將領。但他沒有得到越南的絲毫優待，被拷打了20多次，關押了長達8年。他說：“我不知道自己能不能活著出去，還能不能見到自己的妻子和小孩。”但是他在監獄中表現得很堅強。

　　他為了鼓勵監獄中的同胞，因為是一個人關一間，彼此看不到，就發明瞭一種密碼，通過敲牆用快慢節奏來表達英文字母。有次一位戰俘因思念家人掩面痛哭的時候，他們全監獄的戰俘都通過敲牆，用代碼敲出了“我愛你”，那個戰俘非常感動。

　　斯托克代爾被關押8年後放了出來。《基業常青》及《從優秀到卓越》的作者吉姆 ·柯林斯先生去採訪他，，問：“你為什麼能熬過這艱難的8年？”斯托克代爾說：“因為我有一個信念，相信自己一定能出來，一定能夠再見到我的妻子和孩子，這個信念一直支撐著我，使我生存了下來。”

　　吉姆·柯林斯又問：“那你的同伴中最快死去的又是哪些人呢？”他回答說：“是那些太樂觀的人。”

　　吉姆·柯林斯說這不是很矛盾嗎？為什麼那些樂觀的人會死得很快呢？斯托克代爾說：

　　“他們總想著聖誕節可以被放出去了吧？聖誕節沒被放出去；就想複活節可以被放出去，複活節沒被放出去；就想著感恩節，而後又是聖誕節，結果一個失望接著一個失望，他們逐漸喪失了信心，再加上生存環境的惡劣，於是，他們鬱郁而終。”

　　斯托克代爾說：“對長遠我有一個很強的信念，相信自己一定能夠活著出去，一定能再見到我的妻子和小孩；但是我又正視現實的殘酷。”

其實做人也一樣。一個人對自己的前途失去信心，他就沒有一點希望。哀莫大於心死。心已死，人也就完了。一定要記住，不管在人生中遭受什麼樣的打擊，不管你處在怎樣的逆境，你都要保持一種必勝的信念，對前途充滿信心；但是現實生活又是很複雜、很殘酷的，你要能夠直面它。這就是斯托克代爾悖論。

反脆弱股- 長實

唔知大家有無睇過反脆弱

所謂脆弱的相反不是堅固, 而是反脆弱

你睇過就知長實就係一隻反脆弱股, 無論市況點長實都有賣點可以handle, 衰極未渣住500億等未日, 當然你要做到咁就會係牛市中無運行比人笑你係KAI 頭

<<投資最重要的事>>講到投資者分為進攻同防守型, 入面講防守型係比較適合老散, 因為老散係任何方面都比專業投資者差

等於你同費達拿打溫布頓咁, 個網仲要係咁上上下下個地又會不斷轉, 你想主動得分跟本無可能, 唯一機會係等對手出錯, 唯有咁先可以長期獲利, 關鍵係長期呀

防守型投資者係講輸得比人少, 我諗鉅頭應該有睇過反脆弱, 除非唔係

BTW 長和就差D, 而家仲比脫歐哥做埋首相, 有D 獲氣

8月1 派成績表, 成個倉7成長和系, 要食定驚風散

APPLE 總部價值不及中環中心

頭先睇到一個趣聞:

美国圣克拉拉县称苹果Apple Park已经成为世界上最昂贵的建筑之一，也是世界上最有价值的公司总部之一，其估值约为41.7亿美元

成個APPLE總部有幾大我無去睇, 但一定超級大, 成隻UFO 咁, 先值300 億HKD.

一個中環中心75%權益已值402億

香港大把呢D 幾百億建築物啦, 唔見D 人講?

一個海港城都過2000 億先係怪獸級吧

有時我係度諗, 中環求其一楝野都幾百億, 唔知成個中環加埋值幾錢?  可能夠買起日本一個二三線城市?

持股更新-201907

長實真係曳豬...係呢個時候唔侵惠譽玩...又多個借口被人沽....

最近在想, 雖然所有數字都指出港樓唔會跌, 但呢個會唔會就係一個陷阱?

當大環境失去信心, 每日150, 無地, 剛需, QE等因素是否依然發揮影響呢?

週期是否真的已經不復存在? 90年代的日本人係咪同我地有著一樣的思維模式?