好文分享-美國加息的背後??

岩岩係hk discuss 見到篇好文, 分享下加上提醒自己, 當然玩咁耐我己經明白經濟同股市其實無乜必定的關係, 除左超級黑天鵝

作者話美國其實係空心老倌, 一路好想加息發動萬劍歸宗去吸番全球熱錢回美國接火棒, 但唔知點解受制於中俄(太多文無追晒) 所以一路行唔到, 老美跟本唔會為左經濟考量不加息, , 相比起無人接波, 哥幾個% GDP 跟本可以忽略.

咁睇法如果老美唔可以如期加息去頂住個波, 應該過幾年就會頂唔住. 全球經濟跟本就係一個超級巨型同全世界一齊玩的龐氏騙局

另外我想講, 唔好再話咩美國爭人好多錢所以唔可以加息, 美債係定息的, 加息只係影響將來的融資成本, 對以前的舊債跟本無關係.......

PS. 作者極睇淡樓市, 長遠睇好中國一帶一路

美債在奥黑上任前約9千億(之前寫錯 應係萬億), 但短短兩任期達18萬億之鉅, 它當中必然有着重大問題. 自美國去工業化, 實體經濟空心引致其龐大財政支出及貿易逆差所帶來既赤字加上歐元區出現及中國堀起使它無法擺脫現在既困境. 簡單點形容它就像, 一間公司本來就做實業製造產品輸出國外賺錢, 賺來這些錢可用於日常支出係真正的現金流. 但除着時間將產業升級, 它們開始玩起古董名畫, 然後將這些東西給個價值打包成國債賣比人. 由於這樣錢容易賺, 公司本身投資於實業生產慢慢將重心轉移. 但古董名畫本身就無生產力來賺錢用於日常支出, 它唯有將這些東西估值提高, 再將之打包成國債來維持支出. 由於公司有很多高價兿術品, 公司資產值很值高, 但這都是表象. 
18萬億美債本身唔係關鍵,  關鍵在它是支撐住超過700萬億既金融資產, 衍生品……等等既金融兿術品. 如果這些美債不斷被外國購買, 老美還是可繼續這樣運作直至外國可吸納美債極限. 但除住歐元出現, 中國強大既實物生產力, 各國開始炳棄或繞過使用美元, 美元既需求跟本唔足以支撐住其霸權.]

如果美國由實物生產轉了玩古董名畫換句說話它主要係靠借來營運,  再以借來既錢堆起整個金融市場以虛擬經濟製造繁榮. 除了可製造虛假繁榮, 以五花八門既金融產品更加有效率, 吸引力將資金引入再以吸貨, 拉升, 派貨然後引爆去賴掉本應要還的, 因為只係借終歸要還的.  美國在08年金融海嘯後面對中俄要脅而無法順利加息, 在未吸引別人接盤前, 整個金融市場係唔可以爆否則危機轉移唔到還被人食埋. 那就唯有繼續拖繼續借,爭取搏弈空間時間,等待對手犯錯. 在這個情況下除了要應付日常開支更要命既係要維持估值以經上了天既金融市場唔爆. 可能大家會諗, 美國不嬲咁借有什麼奇怪?  問題在於要怎樣維持現在金融產品價值問題上.

第一)  美國要為這些金融產品利潤問題上想辦法, 此話何解. 例如 匯豐股價要維持200元股價唔比佢跌, 其中一種做法你得保証每年要逓增或派發相應合理股息, 否則你怎維持? 一旦你拒絕這樣派息, 股價便立即下跌. 還有那些企業債, 垃圾債. 公司收9折還10足, 那個差價以過去經濟你去那裡找? 如還唔到就觸發違約朝. 現在這些金融產品估值高達幾百萬億, 而派這些利潤也應較高, 而我比盡你保守啲1至2%, 這裡都要10萬8萬億. 而這金融市場就是撐起整個美國繁榮.

第二) 美債價格問題, 這個對金融市場更敏感令美國更頭痛. 我以經強調好多次叫大家自己了解美債回購市場是什麼來, 這個市場可說是美聯儲外第二個貨幣創造中心. 那些投行金融機構拿着美債係唔會閒着放喺床下底, 硬好們都懂得張層樓抵押1開2, 2開4. 它們會抵押美債轉投高息高風險既金融產品上, 這便成了那些高達幾百萬億金融產品令一條大水喉. 一旦美債價下跌, 它們要拋售那些金融產品補倉. 要理解股指1萬推上萬一點, 跟萬8推上萬9點所需既資金係兩碼子事情, 債市亦然. 所以這便解釋了為何自08年金融危機後黑馬居然短短2任期一吓子欠債多過過往.

第三) 就係錢從何來既問題. 一般人普遍就認為開動印鈔機直接張錢無限印出來找數就攪掂. 但事實係咁嗎?

如果係這樣, 美國為何一邊可印錢而令一邊則玩起發債欠人呢? 理由係兩者係做同一件事. 大家要知道, 要印錢你先要寫欠單(國債). 錢係到手了, 但同時間你張欠單流出市場等人認購, 而這錢就是認購這張欠單既人間接借比你的. 如果要所謂QE4, QE5 6 7, 那你先要弄清楚錢從何來這問題.  QE基本上對美國藥石無靈除非美債有人買, 就算有人買, 大量發行美債會影響債息.
08年美國金融海嘯後, (我這裡早前攪錯冊除了,對不起).  美國兩輪QE,  效用很快便失去.  而QE2 美債收益率被推高既後遺証關係, 到QE3美聯儲便以扭曲操作試圖直接從市場吸納美債以長債冚短債壓低美債收益率既龐大上升壓力(即美債價格下跌壓力). 債息率係壓低了,  但大部份美債被美聯儲買走, 美國金融機構在美債回購市場拿不到抵押品(美債)去抵押換取資金轉投其他更高回報既資產. (由於太L復雜, 我真的無法子幾段文字全盤解釋) 


結果現在QE基本走入死胡同無法解決對上第二所說美債價格問題. 自己QE解決不了, 那就要倚靠外來資金幫手托. 那歐洲, 日本, 英國等就QE起來, 明裡暗裡各自交換, 2個蓋冚5個煲. 而這些國家不是白給你QE, 它們有自己既戰略目的. 樓上我通编回覆全部係講述現在國際搏奕狀況.

2016年全球大部份央行在拋售美債, 在這預期上美債持有人會怎想? 點樣維持債價及繼續借以經好頭痕, 令一樣更頭痕就係08年金融危機所借落一大批債用來拖住先要到期了......   '

轉自:
http://finance.discuss.com.hk/viewthread.php?tid=26093113&extra=page%3D1&page=14

財富是如何累積的

岩岩睇完追風兄個Blog 講移民, 其實我一直都好想退休後移民去歐洲, 用一條命去體驗兩個人生, 但無奈佢最cheap 都要50萬歐, 即約450萬, 我突然又諗一個人點樣先可以草到450萬?

我計一年草40萬, 我估都己經好威, 都要十年先草到400萬, 當中仲要唔涉及重大的開支如買車, 換樓, 供仔女出國讀書 等等

再望一望D 樓, 求其都要500 萬Up, 究竟財富係點樣累積的?

除左做生意, 靠投資的話一定要有一次經濟洗禮加重生先有可能有呢個機會

如1987, 2003, 2007, 哥D

但係馬後炮好多人識講, 到真係遇到你係咪真係準備好? 你有諗過點做嗎?

我諗首先係要有本金, 然後係心態, 心態未ready 有本金都無用

如果而家未係時候, 或者我都係時候準備下, 一個人的一生或者就係等一個機會

衰左咁點?

繼續原本的人生囉...但既然我地出生得係呢度有機會去改變/去博, 咩都唔做不是很可惜嗎?

100 萬奇想-- 1

奇想一:

將加按得到的錢加上現有所有錢買入一間約630 萬的樓自住, 然後將而家間屋租出.

其實一路都想將現有的兩房換三房的打算, 如果可以的話我可以用盡全部家當(真係全部) 去買多間630萬的樓, 之後就會變成:

負債一共 :722萬
月供:28K-8K租出= 20K
現金:0

由於樓市係加息週期中, 每加一厘大概加10%供款, 租金相對下跌500蚊(求其估)

3.2%	31867	-7500	=24367
4.2%	36000	-7000	=29000
5.2%	40000	-6500	=33500

當加三厘後我每個月就己經要供三萬三, 呢個己經係我的極限, 如果耶撚係堅一年加一厘, 咁我三年就玩完....

呢個奇想一的好處:
1.有兩間屋可進可退
2.即時可由兩房搬去三房 (?)
3.將個人的信用額發揮到最盡, 最短時間借到最多的錢(槓爆)
4. 升市發大財

壞處:
1. 立即現金歸零
2. 變相將整個人生押落樓市
3. 衰左就要守數以十年計
4.未來唔好諗其他咩大計, 眼中只有兩疊樓

再現加按機會

踏入2017年, 睇番2016年基本上係得個吉, 哈哈, 希望今年可以做得好D...

早幾日聽個FD 講某銀行推出左一隻按揭利率掛鈎的戶口, 即係放錢入去會俾番按樓的利息比你, 其實呢樣之前其他銀行一路都有, 不過佢地個RATE 唔靚仔年期又短, 今次呢間可以做到低0.2% 又可拉長到28年(原22年), 更可以套到大約100 萬出來, 呢一百萬我當我咩都唔做放番入去個按揭利率掛鈎戶口, 即係零息, 蝕GE 就係轉按的手續費(約3-5萬吧), 賺的就係有一百萬的投資機會 (樓/股?)

睇番2016年都幾感概, 由年頭我以為自己已找到方法到年尾發現自己一路都係無變過亂9咁買, 2017 希望可以找到岩自己的路吧, 要做到買入的時候唔去預測結果, 做正確的事不加入個人情緒, 希望找到方法後先動用哥100 萬吧

岩岩見到味皇兄話賣自住樓的case, 我相信呢個世界真係有咁的情況, 一個錯誤的決定真係可以毀掉一個家庭, 由其係自住樓, 唔係得你自己住, 係一家人一齊住, 有咩事就會累到屋企訓街, 好似個CASE 中的兒仔因為父母的錯誤決定而要兩手空空回流番香港, 當然佢讀唔成書都有責任, 但無論點父母的決定某程度上影響深遠, 我估個仔的未來都應該都幾負面下...
所以味皇稱賣自住樓做背水一戰一D 都不為過. 而且味皇講出左一樣野, 就係當一個人長期依靠概率生存, 每日的精神同肉體必定承受極大的壓力, 我肯定我的蛇gue 性格唔洗一個月就會爆煲入住精神病院, 所以我都要諗清楚轉按套現會唔會迫到自己行入呢個絕境, 一子錯, 你懂的

最壞情況大概係:
100 萬全蝕, 我一份人工頂住供樓加家庭所有開支, 老婆人工頂住呀女教育費同洗費, 從此安安定定跑老鼠圈直至退休

理論上都唔係咁差GE, 我估都好過味皇個回流case 少少掛, 起碼我都可以用餘生供完我唯一的自住樓...哈哈(呀Q mode)

回流case:
http://realblog.zkiz.com/lgaim/232528