廢UP: 滿足感和幸福感

最近又有地產叫我平賣自住換樓,  我心水單位由2020年計跌幅2成幾, 我自住樓跌幅都係差唔多

地產說法當然係話一齊跌lum sum 係貴樓跌得甘D, 但首期黎講因為自住跌1 蚊就少1蚊首期, 大大殺左我手上的現金。而家澳門乜樓都係借三成, 即目標單位每跌100 萬, 我首期可以出少33 萬, 所以按純首期角度考慮, 金額跌幅要1:3 先有得諗

又按之前計法, 換樓至少要350 萬首期, 連雜費唔計裝修要4 球, 重點係要衡量呢4球係我生活黎講升級算住樓好D, 定渣住手好D, 按215 7.8 厘, 4球可生出每年31萬, 呢31 萬可以去旅行, 可以比仔女讀國際學校或興趣班, 可以用黎滿足我收息的慾望etc

升級自住樓的確爽, 但而家對我不是必須, 升級主要係間屋大左30-40%,  樓齡減左10年, 管理處制服由裇衫變西裝, 會所由雞雞泳池變成高級會所, 景觀由對樓變對海。但同時供樓要多1萬, 管理費貴2000

結論就係每年30萬現金同自住升級威威, 邊樣對你生活改變較大, 又或者邊樣可持續為你帶黎滿足感和幸福感, 其實人生就係不斷追尋滿足感和幸福感的過程, 番工番學抄股結婚買樓生仔供書教學, 全部都係

廢話一堆, 都係繼續收息吧, 仔女一個話唔埋話大學要去老美讀, 兩條化骨龍一年起碼要一球起, 趁我仲有機會累積多D 錢, 自住樓升左級威威, 對我黎講有少少充大頭鬼

又講下財自的迷思, 好多人想財自其實係唔做野, 但財自係比你去做你想做的事, 如果你想做的事係唔做事, 咁真係唔好財自好過, 對大部份人講財自其實都係葉公好龍, 我財自左都唔會唔撈, 十年後到你份工每月碌到五六七八九萬, 壓力又尚可, 財自係得呀, 你會放棄你份工嗎?當然有肥雞餐食又另計啦

另外想去環遊世界哥D, 講個殘酷的事實, 我估最多環遊世界都係3-5年左右, 去旅行可貴之處係因為你無得成日去, 到你有得成日去, 你又唔係咁諗了