長和, 長實都公佈左業績, 業績本身已經好肉酸, 但管理層的作風更肉酸
長和唔洗講, 假穩定真下沉, 碼頭, 零售, 電訊, 全部下坡中, 特別電訊, 搞左一場超級大龍鳳, 合合分分, 又商譽又搞假利潤又減值, 係度玩會計操作, 真係反胃
長實仲心寒, 之前為左通過大股東增持交易, 提高派息, 而家過橋抽板, 業績同派息雙殺
長實中環中心靚deal 的確為人津津樂道, 但之後英國酒館, 香港地皮, 波仔道幾單野, 基本已優勢盡失
來來回回, 長實又係變番買買賣賣公司, 定位好模糊, 都唔知呢間公司想點
正常你發展核心業務, 應該會派息穩定, 點知你又唔係, 咁我買你做咩呢? 貪你poker face 嗎? 佢永遠 好似對住你笑, 但哥種笑係令人心寒的笑
真係心都寒9 埋, 長和系可以買的, 只有一間, 就係和電, 其他在座各位都係垃圾(大師兄mode)
長和系真係我股海入門的第一隻愛股, 鉅頭我原本亦以為佢只係算死草, 算係富二代中守業能力強的人, 但似乎而家守業都唔太掂, 幾獲睇錯方向要小股東攬炒
反而小小超值得睇高一格
3983現價比934,517真係平好多,現金多過佢一大截,昨日出的年報顯示,三個月定期存款都存足97億,其他金融資產都成二十幾億,超過百二億現金,去年賺23億幾,竟然大減派息比率去到4成,派息只派9億半,又多十幾億落袋,前年賺17億,派息8億2,去年現金又多左10億做定期,頂佢個肺,儲埋甘多錢做物,為興趣？現價升左甘多重有8厘幾息,我個6買左收左2年息,去年除淨前在個8又加左d,真後悔個8個注買得太少,H股市值40幾億,幾個外資揸左15%,睇個款都係長揸收高息有排都唔走,股價都唔會點大升,唯有收下十幾厘息過日子,收多幾年又白嫖左一隻唔駛錢的股票.
回覆刪除3983 管理層講過以後會維持十厘息, 按2023 年尾計, 又真係係十厘, 所以都唔洗擔心, 而且2 蚊以下買入, 跟本無得輸
刪除Canning Fok呢個太子侍讀,輔助大少輔到太子頭髮都白埋,都做唔到一單傑作,都係時候用多d時間陪屋企人,早十幾年傳媒日日吹捧霍生如何神勇,納稅天王,功高蓋主,其實係害左佢,早年經常高價回購長和股份,現在已成倉蟹貨,近年已唔多覺有再回購,而家業績唔好,自然要做代罪羔羊.
回覆刪除人回購佢回購, 買太古好過, 不要浪費時間
回覆刪除愈買愈趺
刪除