垃圾中移動的邏輯

1, 美國業務只佔利潤2%

2. 老特下台有機會取消管制

3.中移動極低負債, 息扣10%後接近7%, 可當為新一代公用股

4. 人仔升值

5.另類內銀, 年年利潤差不多 (算係優點定缺點?)

6. 有派特別息前科

風險

1. 5G 開支

2. 為國犧牲

3. 就算唔太跌, 有機會一年內橫行, 不宜太重倉以免人地大升你吃面

降低預期...

降低預期.....

降低預期........

提早總結驚惶的2020

 2020 仲有幾個交易日, 都要再整單BABA, 只怪自己之前對阿里雲太看好, 其實一早知政策唔會咁就完, 陸續有來

之前255 已沽到淨番300, 可惜250又加番, 而家一褲都係, 最後229/220 沽淨100 股看戲

BABA曾為我帶黎6位數利潤, 可惜估到開頭估唔到結局

暫時持倉輸最甘係內房535, 好彩派息同埋中間寶龍幫補左, 內房都係保持一成倉位算了

今年持倉按升幅計最多係長城pton 小米同埋年中賣出的銀城都補番唔少血, 係今年唔洗輸錢的重要功臣, 可惜全部倉位不大, 感覺就似係無被重用的良將

反觀倉位最大的幾隻, 1883, 941, 535, 都係吃塵中, 感覺就似係被重用的太監, 659叫做好少少, 亦反映我的選股能力真係弱得一B

年尾比BABA 把亂我計劃, 真係可惜, 沽左BABA D 錢仲未諗到點用, 可能等機會買番700, 或者加941, 未諗到, 暫時就咁吧, 繼續好好生活去

2020 回報 +5% ~7%

=============

後記, 買左100 700 + 200 3690

享受生活吧

 睇左李笑來本 <韭菜的自我修養>, 估唔到咁好睇, 之前對佢印象唔太好, 玩過幣的人都知佢係圈錢教教主, 但佢本書又唔錯

書中最後幾節提到一個重點就係, 減低交易頻率, 做到的方法係 ----享受生活

對, 既然已用錢下注了自己的信仰, 就好好享受生活吧

垃圾中移動

廢話少說

減baba 300

減934 20000

減535 30000

買入垃圾 941 3000

京東100

垃圾置富 6000

腦海不斷重覆

“收賣爛銅爛鐵.......”

週期

 以前我唔信週期, 而家我信週期, 因為睇左老馬本週期, 講到週期唔係只講幾耐一個循環

如果我地相信凡時都有週期, 咁就唔應該不斷追住尾巴走

如果錯過左一個週期的起伏, 失去的不止金錢, 仲有信心

長實, 好久不見

 買回1000股1113, 自2 月50蚊沽清後首次買回

老朋友, 好久不見

持股: (十幾廿隻. 唔知仲以為我個倉過千萬....)

中信電訊

新創建

冠德

建滔

金地商置

BABA

騰訊

小米

美團

JD

TSM

PTON

SQ

TCEHY

嘉華

漢國

香港建設

置富

270

1113

瘋狂打面後的重新出發

尋日港股出現左一個好好的換倉機會, BABA, 美團, JD 都跌9%, 700 跌7%

有一刻諗過將BABA 大力轉一半去其他, 又猶豫了, 只係買左少量美團同小米

痛定思痛, 於是尋晚漏夜買入少量美股700 ADR同JD

今朝賣出300 BABA, 買入美團, 700

暫時完成換倉, 成個倉的科股股平衡番少少......唔會再一隻定生死

今年經驗, 千其唔好留戀過去, 無論係高位定低位, 放唔低你一定輸

PS. 舊經濟後勁無力....今朝再減5000 659, 仲有25000 股

今年賺到滿滿的經驗

 常言股市有錢的人賺到很多經驗, 有經驗的人賺到好多錢

點解我無錢都要迫我賺經驗?

年尾流流諗住今年保得住六位數利潤都算數收貨, 點知整多棍平台法, 一日就蒸左我僅有利潤的七成, 因為我全部利潤都係ATM...特別係BABA....今年正數都全靠佢, 雖然ANT 上唔到市都仲保得住270, 一個平台法就250見,,,,高位唔見左差不多七皮利潤, 雖然之前走左600股, 但仲有1000股係手....而家真係進退兩難

今年真係難.....好難......比條生路得唔得....我只想靜靜地賺錢....好過份嗎...? :P

而家組合靠1000 股垃圾領展, 8000股垃圾778, 15000股垃圾嘉華同30000股垃圾659 補番兩滴血, 無錯, 就係令人聞風色變的舊經濟

前輩教落, 多點關注組合, 少點關注個股, 平衡平衡平衡

============================

沽出領展1000@69.5

再賣100 700 + 長和賣野

雖然好想等到700 700 先減持, 但都係哥句, 食左先講

賣出100 700, 淨底100 等700 (急口令?)

BABA業績可以了吧, 雲增速60%, 係月用戶停濟係8.x億, 但大佬, 人就係咁多, 除非打出國際....

================================

咁岩長和尋日賣野單日急升8%, 諗番當年由長和換成700, 一來一回, 長和今日終於升回51

今次賣野我覺得唔算好催化劑, 反而怕佢又走去買D 古怪野

我唔會再話長和 "低估", 低唔低估唔係睇NAV 同PE

以後都唔敢輕言一隻股"低估"

對長和系, 我只會用"折讓"去形容

螞蟻之死

今年最大的利潤來源 BABA, 隨住螞蟻之死一日就燒左我3成利潤

今年真係....無言......

減吧...減吧....減了再想一下之後的路...

減持BABA 500

清倉寶龍

現金升回三成

想不通, 想不通, 減貨

想不通...未來何去何從....

年頭到今日, 發左場夢咁....

身邊資訊太多...想不通...又不想盲從....

想不通美國大選

想不通疫情走向

想不通投資方向

咁點做好? 減持吧...

清倉物管, 到老一場空, 打和

減持20000 股659

減持100000 股1883

減持100 BABA

清倉TSM

減持寶龍10000

套回些現金

先這樣吧,

暫時計埋收息, 年回報+7%

--迷失的股海小散

兩大頑石煙蒂

香港建設 190

持有上海星薈同北京物業, 仲有一大塊天津湖, 加最近買了一堆香港地產同小米, 6厘

漢國置業 160

持有堔圳漢國中心同其他一堆物業, 最近新落成葵涌數據中心, 現價 5厘

點解突然提起, 因為發覺兩隻都跌到5/6厘, 加上物業收成, 可惜今時今日煙蒂已成大家眼中的雞肋, 吃之無味也

呀里300

 9988 今日終於係咁意掂到300, 決定大手減持100 股以示獎勵

諗番之前700 美團美國科股爆升, baba 仲係200 左右任你買

又話PDD 京東美團圍攻, 又話孫邪惡大手減持XXX

可惜我都係被動搖, 只買得千零股, 淨下的350/400 再減吧, 嘻

真理和廢話

在别人恐惧时贪婪，在别人贪婪时恐惧。 

1.这话很有道理。

2.这话说了等于没说。

3.很有道理的话一般说了等于没说。

4.说了等于没说的话一般很有道理。

5.如果你知道别人什么时候恐惧和贪婪，这话很有道理。

6.如果你不知道别人什么时候恐惧和贪婪，这话说了等于没说。

7.恐惧和贪婪在市场中的直接体现就是估值。恐惧时，估值水平低；贪婪时，估值水平高。

8.所以，在估值低时贪婪，在估值高时恐惧。

十厘垃圾新創建

 新創建派到0.58, 現在差不多十厘

<完>

寫在港股遍地7-10厘

 今日望一望四大內銀, 龍頭內房, 三大電信, REITS, 煙蒂, 公用, 收租, 求其撈都7,8,9,10厘息

持唔持續到自己諗, 但幾年後應該8成可以復活....

這是最好的時代....

這是最壞的時代....

我果然係一個廢老....

突然發現已無乜blog 講收息....好多都無再更新...我諗我都時辰到....

回想第一個月寫Blog我有個收息表, 幻想10年後可以190萬收9萬息平均5厘, 現在回看先發現條路跟本唔易行, 以前的我就像火雞效應內的火雞

今日我組合平均6厘, 看下一年後收唔收得足吧

但斌, 張磊和馬克斯

 睇過好多書

印象最深刻的係但斌<<時間的玫瑰>> 同馬克斯的<<投資最重要的事>> 和<<週期>>

基本上但斌同馬克斯我覺得係兩個流派

但斌不斷強調只買創造價值的企業, 唔好買中庸的企業, 呢條路同張磊時間的朋友理論一樣

馬克斯就話垃圾都有價值, 只要買得夠平, why not?

我自己偏向馬克斯, 因為分清企業偉唔偉大真係對我太難, 而且一失足成千古恨

而純粹量度垃圾平與貴, 似乎相對簡單

正如tesla 都分兩派, 睇得出邏輯的, 同睇唔出邏輯的

5年後2025 年,  回望今日持有的組合, 是傷心還是慶幸?

反璞歸真

沽出100京東 

買入一萬股435

開始收集一點點點點點點點點點老土廢老廢物REITS

豬up 隨想

 一直覺得投資就好似係一條不斷流動的河流度撈金

到底係置身於河中隨波逐流地撈, 還是找個位置站在岸邊撈好?

站在岸邊還要不斷調整位置, 這樣才能大機會撈到金

調整過程可能有時撈到大金, 有時連個西都無埋 (??不是粗口)

所謂的位置應該就係系統, 即是屬於自己實現盈利的方法

加垃圾新創建

 加1萬股垃圾新創建

加200 BABA

買入佳美1500

沽1000小米

買入中石化冠德

 之前提及過3.5-3.7賣晒冠德之後, 心有戚戚焉, 今日又有機會買番啦~~~買番萬六股先

收住6厘半, 等加派息又得, 等私有化又得, 等特別息又得, 已經接近淨現金公司了, 不錯不錯

有機會穿3蚊大大力買入做啜核廢老收息組合成員先

風險: 國企囉, 石油囉, 賣管哥30億拎去買垃圾囉

啜核廢老收息組合成員名單

1883

659

535

934

173

垃圾新創建

 手上仲有2萬5股垃圾新創建, 岩岩終於肯賣走垃圾巴士, 收番32億睇怕都係去搞海南AMC

AMC 呢D 野就有辣有唔辣, 不過海南概念當旺應該唔會好差?

飛租參考業界似乎不錯, 公路參考業界上半年少一半, 保險參考業界跌3成不過第一年full pay入帳利潤應該有加無減

今年一次過減埋巴士的7億, 下年應該可以重新上路

加上聲稱保持漸進派息(問過IR), 如果被佢水真係無計

星期一有機會可能加多少少

幻想多年後拎住隻垃圾新創建, 回想當年係6蚊左右執來的, 係太平洋小島度收息嘆住杯long island, 不舒爽嗎? 哈哈

PS. 投資涉及風險

寶龍和新天

 當日1.77換左一半新天加左寶龍, 之後新天爆到2.8, 寶龍仲係4.5

哥一刻我個心痛到.......

今日新天宣布派息, 股價反而跌到2.2, 寶龍企穩6蚊...我又暗爽了

其實買股講到尾都係堅持自己邏輯先最舒服, 無論個邏輯是否被市場認同

好似阿里係慢係無理想係被圍攻...君不見美團京東PDD升一百幾十%

但係well..引用某書的一句: 這不是我的行情呀!!!!

利申, 有少量美團京東...大概係BABA十分一.....

1883 是否廢老股?

1883 業績, 好多人只睇到一個, 穩

但我覺得成個收入結構改變緊, 話佢穩即係話佢廢老收租股? angry!

BTW 唯一睇唔到數據中心條數, 溶左入互聯網, 無乜大升係咪即係長期租爆?

另一個奇想, 如想將資本開支條數減番做利潤.......今期業績會點....?

1883 增持紀錄 Jun 01 - Aug 12

 以下係六月至今日我1883的增持紀錄, 希望以後都唔好再比機會我增持了....

20000/2.55

14000/2.51

14000/2.47

10000/2.49

20000/2.45

15000/2.47

8000/2.44

36000/2.42

15000/2.48

PS. 1883 3 蚊前唔好問我睇法.....3蚊前我無睇法....3蚊後我就可以開始有睇法了

長和長實, 乎合預期但失望

上次轉埋最後1000 股長和去700後已經無持有長和, 今日出業績都係食下花生,

業績001 跌3成, 1113 跌5成, 都合乎預期, 始終1113 食到應一應, 又減值

但兩隻都減3成派息, 真係不是太接受到

經常話發展不忘穩健, 手上大把錢, 特別係長實, 平時派息比率已低絕四大發展商, 咁都減3成派息, 小股東真係情何以堪

鉅頭, 我對你真係好失望

後記:

1113 買的英國酒吧, 半年蝕20 億

重溫1883 2019/03 訪問

以下為智通財經APP整理的部分問答實錄：

數據中心：市場反應良好

問：中信電訊大廈第三期(A)數據中心工程目前進展如何，未來是否會考慮進一步擴建?

林振輝:第三期(A)已順利竣工並於2018年9月份投入運作，目前有大客戶洽談中，餘下的容量或全部提供予該名大客戶，第三期(B)將於今年動工，預期明年初正式投入運作，大概會有600個機櫃。

集團於廣州科技園亦有一個數據中心，接點已覆蓋大灣區9個內地城市的其中7個。

目前集團旗下三個研發及數據中心，分別位於珠海、成都及香港，定位各有不同。其中，珠海的研發中心主要服務智慧城市建設，而成都則以發展人工智能及大數據為主，香港的研發中心則主要針對運營商運作方面的技術，而整體研發開支占營收約1%，相信以後研發開支逐步增加。

辛悅江：市場對於數據中心反應不錯，首先要歸因於我們在香港的數據中心，地理位置優越，供電供水以及交通等綜合條件都具備優勢;其次，設計方面也是按照最高質量標準進行設計，隨着需求的提升，會考慮再擴建。

持續將規模做大，擇機收購優質標的

問：未來在國際業務方面的發展計劃，是否會持續收購相關標的?

林振輝：集團積極發展國際業務，包括在歐洲、東南亞地區持續擴展項目，其中，澳門業務以綜合營運商方式營運，而香港及新加坡則分別以流動虛擬網絡運營商(MVNO)及提供企業服務形式營運。

目前全球有大約800個電訊營運商，而集團為全球600間營運商提供服務，估計市佔率約75%。如果以MVNO或企業服務形式發展國際業務或會較為適合，可獲得更高的毛利。

目前，公司企業業務收入一直保持約10%的增速，預計未來可持續獲得雙位數增長。

陳天衛(財務總監)：未來收購主要考慮是目標公司的現金流、以及是否能帶來協同效應，如果目標公司本身現金流一般，但可以為集團其他業務帶來協同效應，帶動增長，亦可考慮。

問：是否有分拆的計劃?

辛悅江：目前集團有條件分拆不同業務上市，不過目前並無此計劃，主要還是將現有規模做大。。

陳天衛：每個業務都可以分拆，但集團本身現金流強勁，若分拆後得到一筆資金，卻沒有找到合適的投資機會，亦無法帶動增長。另外，分拆行政費用高，未必對集團有好處，或影響利潤表現。

5G投入較為平穩，雲計算及智慧城市項目持續增長

問：澳門電訊在5G方面的發展規劃?

林振輝：去年成功完成了對5G的測試，對整個5G產業鏈有了動態的了解。關於澳門電訊在5G方面的投資，集團並不是採用獨立組網形式，而是採用融合組網的方式引入5G，即在現有4G網絡上升級，使4G和5G協同工作，因此在5G方面的資本開支較為平穩，屬於平滑上升的過程。

此外，隨着5G的發展，產業互聯網及智慧城市將會是5G服務的良好切入點。比如在企業服務業務方面，我們從網絡連接服務不斷向雲計算、資訊安全、管理服務、行業解決方案等一站式ICT服務拓展，這就是我們的看家本領，未來最大的風口浪尖肯定是在智慧城市相關的應用。

雲計算方面，我們都是做很高端的雲計算產品，利用大數據和人工智能提升企業運作效率，將逐步產品話並服務客戶。未來隨着雲計算及智慧城市業務增長，將帶動企業業務持續增長。

關注股東回報，多元化業務增速強勁

問：公司目前股息接近6%，未來派息是否會持續提升?

辛悅江：未來公司會通過收購符合企業發展戰略，能產生協同效應對優質標的，從而產生穩定的現金流，以維持派息水平，總之，公司一定要對股東負責，就必須要有所回報。

問：目前公司商譽仍高於凈資產，如何看待高商譽問題?

陳天衛：如果收購的企業現金流強的話，商譽就會是一個比較大的影響，我們收購的企業全是現金流非常強的企業，因此對商譽的補貼基本上沒有影響的。目前的商譽主要來自此前對澳門電訊的收購，2013年收購澳門電訊大概是100個億，但是澳門電訊賬上只有不到20個億，這是因為該公司此前將所有的盈利都派給股東了，這對我們來說是一個好事。未來我們收購新項目的時候也一定會考慮該標的是否有穩定且很強的現金流收入。

問：未來多元化的業務發展，會否帶來業績的加速增長?

林振輝：其實我們目前的業務裏面，可以看到有一些業務發展速度還是很快的，只是這些業務規模佔比還比較少。比如剔除手機業務，整體增速大概是12%，但是我們未來培育的重要業務增長率就很高，如A2P短訊業務大幅整張，導致整體短訊收入增加37.9%，其次，DateMall自由行收入同比增長62.9%。此外，雲計算業務在財報里沒有細分出來，該項業務增長後勁很足，對業績的持續增長也很重要。

關於企業發展戰略及企業文化

辛悅江：企業長遠的發展，一定要有一個明確的目標，我們的發展目標很明確：以中國內地市場為基礎，以港澳基地為橋樑，向全球進行業務擴張;而不應該將企業定位為：今年、明年分別要賺多少錢，這是一個短期行為。

在實現目標的途中，措施要得力，這就要求建立一隻良好的團隊;其次，要有好的技術，從而保證好的產品質量，科技創新是我們非常關注的一點，是企業發展的動力;再者，要配合科學化管理。

此外，戰略發展的執行要有前瞻性的眼光，比如我們在香港、珠海、成都建研發中心，甚至在新加坡也有研發團隊，這些佈局都具有前瞻性，不是說等到大灣區綱要發佈了，我們才去做，而是提前一兩年就已佈局了。

我一直主張企業文化就跟人的靈魂一樣重要，中信國際電訊的企業文化就是「智德興業」，智就是智慧，包含着創新，德為企業的品德，即要依法守法合規，興業則為創造拼搏。

一個企業不確定堅定的文化理念，就會東搖西擺，無法長久。正是基於這樣的企業文化，我們堅持對股東負責，賺了錢就要給股東回報;對政府負責，合理交稅，解決就業，關注員工的幸福指數，回報社會。

和電之我見

和電咁有錢都減派息, 有辣有唔辣, 其實鉅頭作風一早透露左期下公司派息同核心利潤一致, 今次和電也不例外, 利潤減22, 派息減22, 博特別息的又GG 了, 重申...唔好同鉅頭鬥....

引申到下星期長和長實業績, 長和(001)不斷用財技淡化虧損, 長實岩岩又賣左大陸項目賺番三十幾億 (今期業績無份), 似乎係為左維持業績-->保持派息

但係....
what if 001 同1113 減派? 1113 應該還好, 001 哈士其條數, 加上減值, 應該極甘, 如果化妝都掩唔住業績, 而鉅頭又派息與業績一致......咁就會打破001 有加無減派息的先例, 副作用係巨大的

加上李老板喪入1113

所以而家如果要買飛入場睇鉅頭表演, 都係1113 穩陣

買入冠德, 新創建

3.39 買回一萬股934, 6.2 買回一萬股新創建

做左個小T, 心理上當係平左

934 其實可以當核心收息股, 賣左拖油管, 負債都少埋, 仲收番30億, 就算唔派特別息, 管理層加大派息的意圖都相當明顯, 有機會補回之前出的貨做核心收息

新創建IR 依然唔覆我, 不過兩巴都有申請保就業, 慳番億幾, 原諒佢, 買一萬股看下中期維唔維持到, 建築應該OK, 公路參考路勁應該少一半, 飛租保險衰極都有錢賺掛, 側面賭下香港經濟前景

再見長和

沽清1000 長和

本blog 自第一篇提及長和的係2016 年6月的 再現機會, 全blog 共45篇文提及長和

係度對一D 因為睇左我個blog 而買入長和系( 應該無乜?) 的人講聲...投資涉及風險....

再見了, 誠哥

倒在黎明前

冠德同新創建曾係我最有信心的股票之一
可惜都係倒在黎明前, 新創建仲要輸5K

唔夠信心真係世上最痛苦的事

BTW 英國講到明會犠牲公用事業者的利益去益市民, 長建正式remove from my list, 再見了

今日最乖都係濱江BB

能力圈

最新用新打法, 就係乜都搞D, 升再加一注, 發現效果唔錯

係無發達, 但呢個打法牛市係唔錯

新天, 華潤醫療, 比亞迪電子, 美團, 中車, 效果都唔錯

背後邏輯是存在的, 只係對我來講邏輯不夠確定, 不敢大注

重點, 個市升哥陣你唔會唔開心,  蚊子腿也是肉

能力圈的確係好東西, 但唔代表唔可以參與

我睇唔到的野, 唔代表不存在, 其他人睇到就得了

站在巨人肩不也是種福氣? :)

沽新創建, 入CTM

沽清新創建
買入3萬股1883 @ 2.44


組合由最高17萬利潤跌到4萬...

今年目標係保持正數, 如果再跌就要大範圍減持了

沽出新天, 冠德

沽出新天2.7, 冠德3.54 食糊, 我的能力圈也只能到此了

加了一點中車, 金融街, BABA, 華潤醫療

1883 保就業

1883 呢半年連恒指都跑唔贏, 真係情何以hum....

btw無意間發現1883 申請左保就業, 6-8 月獲批700萬, 叫做有番D 安慰, 呢D 先叫為股東著想架嘛, 哈哈

戰況

組合最重倉科技股BABA 終於無丟到師傅既架, 比較小倉的700 JD 都無丟到師傅既架
銀城沽清後繼續爆升, 炒功課就係咁
新天1.8被震走一半又爆升, 炒功課就係咁
冠德3.5食左一半又繼續升, 坐唔定就係咁
1883 我已經加到25萬股, 繼續由得佢死
其他內房物管最近得金地做到野
垃圾基建得番3萬股新創建同1000股001由得佢死
教育升完一輪又回歸原點, 由得佢死
仲有一堆立立雜雜 MSFT 華潤醫療,中車電氣, 由得佢地鳥....

股票爆升的秘密, 講到尾就係買入的人比賣出的人多很多...很多....

謝謝你, 銀城

沽出最後一注銀城

分別於4.12, 4.5, 6.27 分三注沽出, 銀成應該係今年我最成功的投資

沽出的錢買入2606, 賭一下中報, 另外買少少金茂

沽清1038

沽清最後尾倉1038 , 入CTM, 新創建

長和系只餘1000股001鳥, 嗚

打和 SUPER

今日係6月16, 天陰/天晴

計埋今年收左的息, 6月終於追和3月大跌斬倉輸哥條數

6個月, 好多股都新高新高又新高 (又想拎TAI 哥做例子, 忍住)

呢個係故事的開始還是終結?

期待下半年新經濟新高+舊經濟絕地反彈, I am ready I am ready.

投資和投機

今朝訓醒突然醒起一句以前唔知係邊本書睇過的名言

投機的股票投資做
投資的股票投機做

WTF!!!? 完全係今時今日的寫照

邊個話收息股不能投機做? 無PE 的股不能投資做?

利害利害

加垃圾新創建

沽1000垃圾長和入5000垃圾新創建
小倉14000 威勝


.....好想入778, 香港的朋友們認為抄得底未?

多說無益

越黎越少blog 友發文, 或者同政治有關? 但我更覺得同舊經濟股沒落有關, 今年新VS舊經濟的回報完全癲覆了很多相信"價值"的人, 或者不多不少令好多人意興闌珊

我組合新經濟大約係舊經濟的一半, 但回報係舊經濟10倍, 無誇張, 真係十倍

舉個例子:

組合中舊經濟主力, 一隻垃圾長和(原諒我咁叫, 愛之深責之切) 輸的錢, 竟然比我一隻超細倉位測試用物管銀城救番有突, 不知該開心定因為買得太少而傷心....

不過最新買的垃圾新創建同垃圾長建似乎有番D 起色, 我個人偏向資金開始追硬資產落後

恒指又挑戰25000, 唔想再講咩復唔復甦

只想講今年太刺激, 但都太累了, 最近在想一個想法

拉長20年睇, 而家係咪一個投資的好時機?

或者講三到五年之後看, 而家買入係後悔多定慶幸多? 我偏向後者

比起一齊輸, 睇住人地賺絕對痛苦得多, FOMO

買入303 @49.7

買入長建 @41.9
計埋之前又買回2000股了, 有機會穿40再加, 其實而家我偏好新創建多

最後附上偉哥blog 中一文
http://hkstockinvestment.blogspot.com/2020/06/blog-post.html


PS. 唔好奇怪點解我完全無提買入新經濟, 因為全部我都係跟大神買, 完全沒什麼分析, 我就不寫了...哈哈

買入新創建

買入疫情受害股新創建10000@6.5, 加1883 8000@2.56

可憐的新創建, 等老王收留你啦...雖然一入日即蟹....

大陸公路概念+賣產, 放三年應該有5成收益掛?

現時基建四虎真係輸到我訓係度.....

長和2000@ 61
長建1500@ 39.5
新創建10000@6.5
上實8000@13.8

又咁諗, 而家是不是收集佢地退休的好機會?

物管醫藥教育係爽...但震一震我就要收皮

收集是不是應該在市場胃口相反的時候做? 定係應該跟趨勢做人?

that is a question....

接回長建

接回長建1500 @39.8

除淨雷

聽日除淨, 再加1萬股1883 @ 2.85, 真的不能再加了....

1270 不派息

1270唔派息, 証明就算你買SS 或REITS, 死到盡頭都一樣會無得派息

當然未必個個估到而家酒店業會死到咁 (其實上年年中已聞到D 味)

最慘1270唔派息仲話可能配股....簡直插小股東一刀再掹番出黎咁痛....

BTW 1270 太集中都係問題, 1888 其實應該好D, 分散D 做低端, 都守到兩下

沽出長和長建

沽出長和1000@56.7
沽出長建1000@45.1

買入934
買入331

見到長和不斷用財技去中和husky 同其他數, 感覺真係唔係太舒服, 另外英國咁樣反口, 完全癲覆我對一個西方國家的認知, 証明最後佢地都會繼續搬龍門, who care?

相比之下, 中國的公用股感覺舒服多...因為股價本身已包括了老千因素, 哈哈

長和系當日5.5厘同今日5.5厘, 已經兩個世界了

氣氛大好

身邊好多朋友已開始看多, 美國好消息不斷加上侵爺做勢, 短期似乎好難看淡了( 財演上身??) 港股強板塊越戰越強, 走出牛一先升強勢股的行情, 美股朋友低撈Tesla 同DAL 都爽翻天了

未來唔敢看太淡, 但提醒自己保持戒心

下星期有機會就將組合的弱股轉一半到未發力的強股, 例如BABA, JD

呢幾日不敢不配少少物管, 太強, 主要買入奧園健康同時代鄰里, 但佔好少倉, 叫做緊貼下潮流

另外之前買入的934 都升得不錯, 有私有化同賣管概念, 加上未來現金需求低, 有加大派息的潛力, 其實只比1883弱一DD 就係因為係國企.

另外買左極少新天綠色, 回A 派息是肯定了, 問題只係幾時

豐盛未來都有機會成為核心收息, 用10PE 買老母業務加上行業比較穩, 又無乜負債, 未來應該不錯, 不過要慢慢收集交投太少了

未來收息依然係我主路, 畢竟我淨係識呢D 架咋, 叫我強行做大注撈底操作我一定一獲泡

回想一年前的自己, 淨係識買長和系, 本地港股, 對內地股不屑一看, 真的太小學雞了, 自己持股都有好大改變, 我覺得眼界闊了很多, 雖然未必賺到錢, 但思考空間大了, 不必再執著於某一類股, 學JACK 兄話, 股只係實現你邏輯的工具, 跟本唔洗花太多時間研究什麼個股, 你邏輯對, 就會賺錢, 太有道理了

PS. 越秀基建真係走漏眼. 其實應該一早知如果宣布收費就必會大升, 又來個事後孔明, 下一隻會唔會係新創建?

啜核核心收息組合

買入豐盛 12000 股@3.37, 補充下收息倉

啜核核心收息組合:

1883
934
331
1038

搭多隻內房535

再次反思爆升是否要減持核心收息, 關鍵又係老火雞個問題, 賣左我要買番什麼呢....

3175 絕核操作

尋晚10點3175突然宣布將6月期轉到9月，即時生效

話為左投資者好，但又戴番個頭盔，9月都可以歸零架

即係咩？

即是內房突然宣布不搞內房了因為前景不好，為股東好以後轉賣電話，即日生效，但賣電話都一樣會輸到賣肉架，自己注意啦


下個月又玩一次，咁仲成世界？


不如直接轉到2049年？ 肯定隻野唔會執笠


但買得3175唔係要唔執囉，要唔執我買2800啦，賭到一半突然唔比人賭，痴線....

3175 的迷思

3175 唔係追蹤現價油
3175 唔係追蹤現價油
3175 唔係追蹤現價油

係期油呀, 唔好成日諗住油價好平, 升番一倍就禾味

更唔好諗住長渣終有一日油價會上番

3175 係衍生產品黎, 唔好比佢個名ETF 呃左以為係2800啦

咁荀個個都賣樓all in la

成個hk discuss 都講隻3175你就知咩料啦

利申, 之前買過少少執了餐飯

減持長和

減1000 長和 @58.25, 仲有3500股

問下自己,
如果未來係牛市直上三萬八, 而家個組合滿意嗎?
如果未來大蕭條直插到18000點, 而家個組合頂到?

如果今次都不能吸取教訓, 咁應該係自己問題了

假如我咩都唔做

個市經歷左3 月過山車, 當中我做左6,70個賣出買入操作

今日我試下用2月尾個組合, 拍落去今日個股價, 組合係-6萬

今日我個組合係+7萬, 減去我成個三月實現虧損11萬, 暫時-4萬

即係我做左6,70個賣出買入操作, 結果只係慳到兩皮, 人地Tai哥都發左達了 :P

我曾經問過一個前輩, 我究竟成個3月經歷左D乜?

佢答我: 考驗

哈哈, 又係

總結:
最威:

40撈了2000 1038
175 撈了500 BABA-W
49撈了500 001
2.35 撈了30000 1883

最柒
340 賣左700
168賣了BABA W
80賣了美團

4萬股匯豐的士哥

近日隨住5仔唔派息, 4萬股的士哥又被人拎出黎鞭

我唔明有咩好鞭? 人地由5仔供股已經開始買, 無懼風雨咁買左十幾年, 每月定投從不理人地目光

我發覺玩股或投資最可怕的幾個情況:

1.你見到人地跌, 你渣現金, 你笑人, 然後一個週期完, 人地升番, 你繼續渣現金, 等下個週期再笑人, 但人地身家已係你幾倍

2.你止蝕, 隻股繼續跌, 你開心, 然後一個週期完, 隻股升番, 你傷心, 永遠唔敢再買呢隻股

見到好多討論區笑的士哥, 又話乜乜77, 大佬人地買左十幾年, 有無諗過人地心理質素要幾強先可以做到?

我見到的係一個嚴格執行紀律的投資人, 投資年期只係浮雲, 你用一年兩年黎做單位, 人地係用一生, 一個週期的升跌人地會頂唔住?

到最後, 渣現金的人永遠都係渣現金, 該發達的人還是會發達, 虧損只係遊戲的一部份, 退出也不可恥, 可恥係退出但笑人地傻哥班人

正如十年前賣樓等跌, 或者渣現金等樓重回沙士價哥班人, 今日仲笑得出嗎?

收息股的絕境

上篇講話新冠係收息股末日, 咁5 仔取消派息就簡直係收息股的絕境

有咩慘就過收息股宣報派息然後取消派息?

你股價跌, 我可以忍

你減派息, 我可以忍

你唔派, 我無奈但都未係絕望

你宣布完派息請君入甕完再取消派息仲話今年都唔會派息同回購?

WTF??? 唔知真係以為係老千股所為.....

大佬你5仔黎架, 上兩期年報仲話會保持派息

英國直接叫D 銀行唔好派? 咁都得? 內銀都安全過佢

D 人未繼續唱內銀有壞帳做假數乜乜77囉, 講執笠風險內銀都跑贏外資銀行啦

外國銀行透明D? 係呀, 透明到直接叫你地唔好派息丫嘛

買股收息唔係唔得, 但唔可以盲眼睇個股息率, 我都奶過好多次

買D 派息比率比較低, 業務可能受影響但都仲係有錢賺, 呢D 先叫正路少少

不過今次, 真係要反思下買股收息呢條路

我自己諗到係, 買股收息, 前面同後面要加一個條件

股價跌 -->買股收息--> 等復原大升賣出

執倉 (又話鎖倉....)

係, 係我廢, 呢幾日又打開個倉黎執, 下次都係唔好亂話鎖倉...

趁反彈大手沽出內房, 由倉位4位沽到3 成

趁反彈沽出萬洲, 淨1 萬股

最心痛係爆跌到極點哥日, 我係340 同168 沽左700 同BABA...我個心痛到不得之鳥

買入1883 30000股@2.35, 1038 1500股@40.5, 001 500 股@49, BABA 400@175

成個三月份到今日, 實現虧損10萬, 帳面損失8萬, 持有現金25萬

淨係一個月已經將我上年賺+收息的錢全數送番比市場SIR, very good.

呢個月太震撼, 震撼到值得每日沖涼都諗下自己有無問題

BTW 路還要繼續走, 如果連我都唔理個組合, 邊個理?

淺談收息神器

1038 : 基金被動清倉加新利潤管制 / price in? 好似係 / 派息keep 到? 應該得 (6.3厘)
新創建: 利潤4成的公路GG+飛租GG+保險前景未明 / price in? 好似係 / 派息keep 到? 未必 (7.x厘)
越秀 405: 租務見頂買埋武漢物業 /  price in? 好似係 / 派息keep 到? 未必 (7.x厘)
越秀交建: 公路被免費/ price in? 好似係 / 派息keep 到? 今年未必, 下年應該回復 (7.x厘)

結論: 現價首選1038, 一年後首選: 越秀交建, 三年後可選, 新創建/405?

投資日記

記錄一下

最近大市氣氛轉好, 不計已實現損失, 組合帳面損失由-30% 減至-15%

好多人話呢個只係死貓彈, 我自己都同意, 因為基本面同之前無分別

如果話之前係擔心疫情, 咁而家歐美跟本無緩和

如果話驚全球經濟衰退, 咁而家亦睇唔到各國有咩新措拖去救經濟, 除左美國無限QE

要趁反彈時減倉嗎? 應該會, 但之前自己一再打破已布局的組合平衡, 點樣減, 減幾多, 要留意下


最傷的長和, 我反而無擔憂, 仍在我加倉之列, 我相信每人都有一D 係自己有信心的股, 係其他人眼中可能係廢係千係妖, 但有D 人只可以係呢D 股上賺錢, 我經驗係呢D 股未必賺得最多, 但係坐貨坐得最舒服, 對於我, 都只係長和同1883

當然, 回想番係80時睇長和同而家47睇長和, 其實我睇唔到本質上的不同? :P

不過我傾向相信係我問題而不是市場的錯,因為市場永遠只有正確一面, 所以証明是我能力問題

今次大跌市創造了歷史, 我亦有幸持倉硬生生迎接呢個歷史刻

希望今次之後找回自己投資的初心

其實我只係想係股市有系統地累積財富, 而唔係想發達

珍瓏棋局

天龍八部入面有一個珍瓏棋局唔知大家有無聽過?

珍瓏棋局的陷阱在於大家都想挽救就黎死的棋

虛竹做法係一野隊死自己D 棋由零開始, 無牽無掛, 豁然開朗, 舒筋活絡....

做法其實同鄉下哥之前有異曲同工之妙, 一下子將個組合係身家上減值

唔好比而家個組合影響判斷, 重新出發, 或者可以做到虛竹咁 (實情係佢有人教路...)

收息股的末日

放假收拾心情, 睇下今時今日呢個地球有咩收息股係可以長渣不受影響

1. 公路股 -- 強行被免費, GG
2. 飛租 -- 話就話租左出去, 但人地AIRLINE 都執埋你點收錢? GG
3. 香港REITS -- 戴維斯雙殺, GG
4. 香港酒店SS -- 戴維斯雙殺, GG
5. 大陸REITS -- 我淨係諗到405, 買左武漢未夠一年就咁, GG
6. 消費零售 --  咩SASA, 日本城, 互太 GG
7. 電訊 -- 1883, 6823, 215, 好似頂得住? 你係屋企都要上網用電話
8. 內房 -- 唔識講, 有人睇好有人睇衰, 我有貨
9. 外國基建 --  長建電能中電之流, 一黎蝕匯, 人地經濟差又會減你利潤, GG
10. 大陸基建 -- 上實, 東江水, 北控, 好似頂得住?
11. 能源股 -- 石油(?.?) 煤, 發電, 好似朝唔得保夕?
12. 內銀 --  死你唔去, 收6,7厘應該無問題,  收息可以但唔夠型棍
13. 港銀 -- 5仔之流唔講, 中銀恒生好似幾好, 但未來零息點搞, 半GG
14. 其他煙蒂 -- 川河, 惠K, 1122 五花百門, 好似OK, 但又好似不能安心長渣
15. 港產 -- 16, 1113好似爭D , 17 好似唔錯, 恒基隻煤氣岩岩減紅股, 算了


仲有無? 我個腦都係得1883, 17 都不錯, 勉強搭隻豐盛?

我唔想老左淨係渣住一二百萬股1883過世..

長和業績重點

MISS 左頭半, 聽到尾少少

1, 屈人寺係歐洲會長開, 呢兩個月生意仲好左....因為多左人買藥
2. husky 每桶油成本38.5, 25 蚊預計影響長和24億左右 反正好少, 同埋只係無息收同減值
3. 電訊大公子話有信心, 唔出街都要用電話, 借錢成本低左好多, 0.8%? (英文唔係聽得好清)
4.貨幣問題, 英鎊每跌10%蚊影響純利2%, EUR 10%影響3%, 同時EUR債會平左8%

我自己諗到:
1. 下年應該會減商譽或減值, 但對現金流無影響
2. 未睇年報, 其實長和我自己最驚係D 債同派息能力
3. 油, 歐洲, 碼頭影響都唔算勁, 收貨
4. 油影響好少, 最多派唔到息比長和, 呢個我安心好多
5. 聽到大公子把聲, 個人定左D, 有信心001 能走出困局
6. 有人問而家咁平會唔會回購, 大公仔: 會我都唔可以而家講啦!! (POKER FACE)

長實35 蚊

長實最新市值1300億, 35蚊, 只等於當年3楝中環中心價值...

多年之後會唔會後悔而家無入??

訓唔著

尋晚係我玩股咁耐第一次因股而失眠

我望住個天花, 諗下搞咁多野做乜

連續幾個錯誤操作將損失放大, 錯

無係反彈時適時減倉, 錯錯

無係反彈後第一次跌時適時減倉, 錯錯錯

今日終於減去部份倉位套回20萬, 已實現損失6萬, 帳面16萬 (全清寶龍, 美團, 減持金茂)

重新檢視倉內公司覺得基本面應沒問題, 決定鎖倉直到復原, 每年預計收取8萬股息(如果不減)

另外套出的20 萬+ 待熊10萬用作買2800

21000
20000
19000
18000

未來大概率不再搞個股, 太傷神了, 加上小兒子快要出世, 呢個月連番工都無心機

唔想再浪費心力選股了, 只搞ETF 其實也無不可

用2800或美股ETF 作適當投資算了

祝各位投資順利 :)

are you ready?

股災其實係一個測驗, 平時你溫幾多書, 測驗過唔到都係無用

係時候問下自己ready 去玩呢個遊戲未, 呢幾年市係一個好好的練習場

而家測驗黎了, 各位準備了嗎?

長達四十年的投資生涯, 一定會經歷幾次股災

所以越早經歷越好

好多人到退休拎到一舊錢, 一千幾百萬先開始研究點用, 點投資, 之後損手, 再重投職場

所以我其實樂意於四十前經歷股災, 最好有咁勁得咁勁

至少衰左我仲有份工, 衰左未白做一兩年? 最緊要影響不到生活

真係証明到股場唔岩自己, 早點抽身, 也無不可, 世上投資唔止股, 專心買樓改善生活也可

認清自己是否接受到身家年年唔同, 要將身家同隨機性劃上等號唔係咁易

但人生本來就離不開隨機性

今日身家可以隨著股市無左一百幾十萬, 他日可以你份工突然無左, 邊樣影響大D 損失大D?

美國零息+QE 重啟, 選一種你最長情的投資物, 無論什麼, HIP 埋眼草落去, 應該比現金強

身家既野, 如果你看不開, 正如少年賭神講: 放唔低, 你一定輸...


持倉:
中信國際電訊 23%
金茂 11%
長和 10%
金地商置 9%
旭輝 9%
萬洲 8%
寶龍 6%
上海實業 6%
騰訊 4%
龍光 4%
BABA 4%
美團 3%
陽光紙業 2%

現金: 10%

未來大概率只增時最有信心的股, 即是1883

出雞湯文

今日應該又被打面, 呢個時候諗下點解我要搞投資, 因為我想為家人留多點保護網

如果無大跌, 如何有大升?

又係時候 J 下斯托克代爾悖論

斯托克代爾是美國的一個海軍上將，在越南戰爭期間，是被俘的美軍里級別最高的將領。但他沒有得到越南的絲毫優待，被拷打了20多次，關押了長達8年。他說：“我不知道自己能不能活著出去，還能不能見到自己的妻子和小孩。”但是他在監獄中表現得很堅強。
　　越南人有一次為了表現他們優待俘虜，把他養了一段時間，準備給他拍照。結果斯托克代爾就自己用鐵條把自己打得遍體鱗傷，並用刀片把自己的臉割破。越南人拿他沒辦法，只好放棄了。
　　他為了鼓勵監獄中的同胞，因為是一個人關一間，彼此看不到，就發明瞭一種密碼，通過敲牆用快慢節奏來表達英文字母。有次一位戰俘因思念家人掩面痛哭的時候，他們全監獄的戰俘都通過敲牆，用代碼敲出了“我愛你”，那個戰俘非常感動。
　　斯托克代爾被關押8年後放了出來。《基業常青》及《從優秀到卓越》的作者吉姆 ·柯林斯先生去採訪他，，問：“你為什麼能熬過這艱難的8年？”斯托克代爾說：“因為我有一個信念，相信自己一定能出來，一定能夠再見到我的妻子和孩子，這個信念一直支撐著我，使我生存了下來。”

　　吉姆·柯林斯又問：“那你的同伴中最快死去的又是哪些人呢？”他回答說：“是那些太樂觀的人。”
　　吉姆·柯林斯說這不是很矛盾嗎？為什麼那些樂觀的人會死得很快呢？斯托克代爾說：
　　“他們總想著聖誕節可以被放出去了吧？聖誕節沒被放出去；就想複活節可以被放出去，複活節沒被放出去；就想著感恩節，而後又是聖誕節，結果一個失望接著一個失望，他們逐漸喪失了信心，再加上生存環境的惡劣，於是，他們鬱郁而終。”
　　斯托克代爾說：“對長遠我有一個很強的信念，相信自己一定能夠活著出去，一定能再見到我的妻子和小孩；但是我又正視現實的殘酷。”

斯托克代爾悖論是持續50年能保持在世界500 強的企業全部採用的理論。它們之所以能常青50年，是因為他們對前景充滿樂觀，相信前途一定是光明的，但是又直面現實的殘酷。
　　其實做人也一樣。一個人對自己的前途失去信心，他就沒有一點希望。哀莫大於心死。心已死，人也就完了。一定要記住，不管在人生中遭受什麼樣的打擊，不管你處在怎樣的逆境，你都要保持一種必勝的信念，對前途充滿信心；但是現實生活又是很複雜、很殘酷的，你要能夠直面它。這就是斯托克代爾悖論。

股災大執位

沽148
沽1122
沽雅居樂
沽冠德
沽長實

買入萬洲豬
買入 金茂
買入 旭輝
買入 龍光
買入 上實控股
買入 美團
買入 BABA


暫時三個月損失5萬,  另加帳面損失3萬, 幻覺黎, 嚇我唔到!!

長和五厘

長和五厘...

長和五厘...

長和五厘...

長和五厘...

(老王已瘋....)

當年設計的1113 增持計劃

我係上年曾設計過一個1113 增持計劃"

當時其實我已經預左如果真係去到45, 肯定係發生左D 恐慌性事件, 結果不幸言中...

如果我真係照計劃買, 我而家會持有13500股, 均價54.1, 對比現價45.5 輸十萬左右

唔係想鞭C 或晒命 (事實我買左其他, 而家都依然輸, 只係無1113 咁甘)

係即使當時你定左咩計劃, 如果XXXX 跌到XXX 我就買XXXX, 到價後係咪真係可以做?

我預左45時一定發生一D 好大獲的事, 而家我什麼可以用45買齊哥13000股, 我仲會唔會買?

PS. 買入1000 長實 @ 45.5........

========================================
後記:
今日忍痛割了1122, 輸兩皮.....又割了148, 輸5千....

全力加倉金茂, 金地, 旭輝......

內房4成倉位了....god bless me....

笑話三則

1. 我今日先知原來歐盟呢個咁有愛的國家一直比掩口費比土耳其叫佢食晒D 難民佢, 然後土耳其而家話我唔玩啦得咁少錢, 你唔比多D 錢我就開閘放晒D 人出黎......? 哈哈

2. 呢個時候老俄同中東仲要玩石油價格戰, 質到油價落2,30蚊蚊?? 哈哈哈

3. 相傳因為一個比特幣大戶成億貨被人偷左, 個賊係市場急放搞到虛幣大跌, 而被偷原因係佢成億貨只用電話做保護仲日日帶出街, 直到有日被人偷了.........?? 哈哈哈


世界太有趣了

關於5仔

我好記得, 5仔有一次係去到47蚊, 忘記左係脫歐定邊次, 我一個人企係條街度, 諗左好耐, 隊唔隊一百幾十萬落去, 最後無做, 然後就六十幾蚊

多年後今日, 5仔即將又穿50, 係呢個波段黎講証明左D 乜?

呢個世界係咪真係有種股可以一直長渣(700?) 而中間唔洗換股?

學味皇大老講, 如果真係有, 又係咪真係最好選擇? 先唔好話你搵唔搵到呢隻牛股

ALL in 左日日E 神E 鬼, 郁少少就跌十幾廿個急急止蝕, 升少少賺十幾廿個又要煩止賺

要幾大信心同幾大條根先可以做到?

如果唔係, 好似而家我咁不斷搬磚乜都想買, 要幾勁先可以每次都唔好買到老千?

又咁講, 點樣先係最好? 當你人生得一隻股無野煩, 又係咪對你最好?

PS. 買入CTM 10000@ 2.83, 成本已經由2.2比我買到去2.58....

沽清九建34

全清九建
買入雅居樂 + 建發

九建太令我失望....無啦啦被保利達個石油搞殘, 明明今年應該爽皮, 加上香港日日見佢間始創門口被人搞, 中報沈陽物業又減值, 睇佢D 三四線城市都唔賣得好好


算了...都係為左哥七八厘, 買雅仔同建發好過....

成也長和, 敗也長和

每次忍唔住番兜長和都會被市場教訓, 呢隻我一直認為可以傳比下一代的股,

001 4.7厘 , 派息比率3成
1113 4厘, 派息比率2成唔夠

兩隻PE 都去到6, 唔睇真係以為係老千

反之大家一直認為好高危的內房, 唔係佢地我個組合真係同一PAT 屎無分別

到底何謂正確何謂錯誤?

係呢個求其都減半厘息的年代, 手上有好多現金好安全負債好低代表什麼? 未就係不作為囉

呢個係債仔惡過債主的年代呀..............

又諗起R 哥講過的一個term : "淨現金陷阱"呀!!

1883 業績

1883 業績無咩想講, 兩個字, 叻仔

值得一提折舊越黎越勁, 今年九億, 早折早享受, 又有減債, 都仲派到七億, 不枉我咁鍚你

吴家可以私有化4了

私有化20出價咁核突, 我極有理由懷疑佢係想做低1997同004 黎私有化....

高呀呢招.....邊個夠佢玩?

套用一本書名

<<你以為你以為的就是你以為的嗎？>>

內房盈喜成習慣?

融創利潤增4成
寶龍利潤增4成
金地利潤增6成
奧園利潤增5成


今時今日有無第二個版塊做到? 黑人問號

新創建

之前口響響話新創建如果到10蚊就考慮下, 點知今日一睇真係10蚊, 想當年13蚊睇住佢爆上20 蚊, 而家番到10蚊, 又再次証明股無百日紅, 有糊食左先係無罪的

回想番點解當被會被13蚊被人吹到上20蚊? 唔通只係風中的豬?

按照2019財年收入計，新創建集團的道路、航空、設施管理、建築及交通收入分别為25.29億港元、1.62億港元、41.52億港元、162.11億港元及37.80億港元，佔比總收入（2019財報總營收為）比重分别為9.42%、0.6%、15.47%、60.41%及14.09%。按照2019財年經營利潤計，新創建集團主要的利潤來源是道路、航空及建築，分别約為18.06億港元、5.0億港元及12.04億港元，佔總經營溢利（2019財年應佔經營溢利總額為47.074億港元）比重分别為38.37%、10.62%及25.57%。

由此可見，按照收入計，免收通行費政策對新創建集團收入最大的影響不足10%，若按照利潤貢獻計，免收通行費政策對新創建集團利潤最大的影響逼近40%。因此，免收通行費政策影響對新創建集團影響最大的並非收入而是利潤的表現。

值得一提的是，2019財年新創建集團歸屬股東淨利潤為40.43億港元，同比下滑33.38%，淨利潤已經出現承壓的迹象。此時又突逢利潤奶牛道路業務受疫情的影響，經營活動猶如被按下了「暫停鍵」，新創建集團利潤下滑態勢或進一步承壓。

香港社會事件及肺炎疫情雙擊下，業績下滑頹勢恐延續

截止2019年6月30日止財政年度，新創建集團的收入市場主要有三個區域，分别為香港、内地以及全球其他地區，其中主要收入大頭為香港，約佔總收入比重的87%，内地約佔總收入比重不足10%。此份2019年財年截止日並未完全包括香港社會事件帶來的影響。

2019年下半年是香港社會事件主要爆發時間段，持續時間約有5個多月，對香港經濟的影響非常大。據香港特區政府統計處公佈的預先估計數據顯示，由於内部和對外需求均表現疲弱，2019年第四季度香港本地生產總值同比實質下跌2.9%，年度GDP同比實質下跌1.2%，這是香港經濟自2009年以來首次出現年度負增長。在香港經濟出現負增長的形式下，近九成收入依靠香港地區的新創建集團能不受影響？

除此之外，在香港社會事件有所平息之際，又突逢疫情的肆虐，香港經濟短時間内想擺脫負增長難度之大可想而知。在收入主陣地香港經濟環境復蘇恐不佳的情況下，利潤主要來源的内地又突逢疫情，新創建集團想逆勢中取得良好的經營業績，可能性大嘛！

因此，在香港社會事件及疫情事件雙擊之下，新創建集團短時間内經營業績下滑的頹勢恐將延續。

https://www.finet.hk/newscenter/news_content/5e4a289dbde0b324833af8cf

彷彿沒有武肺

今日個市好多個股都新高......仲高過武肺之前....
可惜我無係最恐慌時瘋狂加倉, 反而被呃走左1/3內房....

BTW 突然變到咁樂觀其實有D 驚, 你唔跌都算, 有D 仲要新高, 好似武肺唔係一個壞消息而係一個股市大利好( 中央強力放水?)

又BTW 大家留意下03年個股市? 以為跌好多, 年尾仲要升突...說明D 咩??

可能大家怕銀紙又變垃圾, 大家都係度瘋狂搶資產

好....既然係咁我都應下景.............

買入001 500@70.75, 持有2000 股, 成本72

香港股price in 了嗎

幾個朋友不約而同的表示香港未來半年將會非常慘烈, 叫大家多留現金

現在各本地地產股只是跌了10%左右, 我個人認為跟本沒price in 未來經濟下調的情況, 只是跟隨大市而已, 零售股這一個月竟然還反彈了

過去十多年大家似乎慣了貴貴貴, 等於食了十年的鴉片, 突然有一日無得吃, 影響有多大?

別再看book value 了..............

換呀換呀~~

沽588 20000@2.2
沽1113 1000@50.4

買入旭輝10000@ 5.75
買入寶龍10000@ 4.27
買入BABA 200 @ 216.6

呢幾日操作~~都係換貨啦, 588廢物果然係廢物, 之前定左如果唔出預增即閃, 願賭報輸, 1113 買早左...又唯有願賭報輸, 換入跌得深彈得快(幻想) 的內房, 咬下息都好丫

1883 唔知係咪受封賭影響跌到2.6X, 不過呢D 錢我輸得開心, 誠仔( 唔係誠哥) 呢獲夠果斷, 最緊要咩? 型呀!! 財政儲備而家唔用幾時用, 赤字就一定, 我地頂得住, 你唔好講咩一國兩制示範動作哥D 膠野, 咁型已經要比分佢, 哈哈

香港地產股

短期都係放棄增持1113 計劃, 1113 核心收益有六成在香港, 賣樓收益更加有七成係香港,

本來己經寒冬的香港經濟, 加上香港取消自由行, 各國又禁飛香港, 如果加上封關, 零售, 酒店, 餐飲, 旅遊......商場, 寫字樓, 工廈, 車位, 最後係樓........

香港樓....未來的確係有供應斷層, 但我個人認為不能忽視大圍經濟氣氛, 香港樓點解咁稀缺, 因為香港係一個好地方, 當香港不再係一個投資發展生活的好地方, 供應斷層四個字又起到什麼作用呢?

我之前發過一篇文, 講當年03 香港係疫埠都捱得過, 區區社運算什麼難關? 但我忽視了03 年和現在, 有些關係已經完全改變了, 加上新肺炎, 某些年輕人一直渴望的大洗牌或者即將實現了

仲爭少少...少少....

1月30
001   69.9
1113 50.6
1883 2.69

仲爭少少.....下星期一有機會嗎......
=====================================
1113....香港事件+殺自由行...我諗要調低D 目標價先敢再買...maybe 45?

總結抄底抄著半山腰紀錄:

001 500@ 69.5
1171 8000@5.95
1883 10000@2.75
817 6000@5.3

買買賣賣

買入1113 1000@51.5
買入683 2000 @ 21.9
買入1883 10000@ 2.75
買入旭輝 10000@ 5.57

賣出588 16000@ 2.3
賣出817 6000@ 5.5
賣出九建 5000@ 9.56
賣出1813 5500 @ 10.24

現金 25萬

定D 黎, 先唔好亂, 大市未見底, 係時候執倉慢慢換入有信心的愛股

沽清1113

沽清1113@54.5

有機會係50左右會買番

2020 開門紅?

2020 首個交易日內房又黎料, 不過內房只佔我倉兩成半倉位, 由佢run the profit 吧

有諗過73.5 番兜長和, 都T 到一個幾毫, 但係我要等...等...等........

買入CTM 14000 @ 2.83 共11萬股
買入北辰 15000@2.61  共7萬股

PS. 北辰並不計入我內房倉....佢係一隻煙T....至於燙唔燙咀...食過先知了

========================

買入長和500@71.8 共1000股