價值同價值感

睇超級績效, 提到價值,一講到價值就有班信徒出黎講買股票就係買公司

我一路都好BUY呢套, 而且買股只會買PE 同PB 低的股 (即係地產)

但係書中提到一個詞叫價值感, 價值跟本無參考之處, 如果唔係點解仲有一大堆低PB PE 的股? 市場傻的嗎定你太聰明?

所謂價值感就係令股民覺得佢有價值的因素, 呢個先係最重要, 即係要有話題, 要令人搶住買, 呢個就係價值感

一聽呢個詞真係諗通左好多野. 700有價值嗎? 維他奶有價值嗎? 40倍PE 點買得落?

買股票係買未來, 242 就係一個比人覺得無未來同無價值感的例子, 所以就算濠尚一個project 的利潤都已經係成隻股的市值又點? 澳博6% 送的, 新加坡同大陸D project 送的, 酒店航運送的又點?

因為帶唔起個價值感, 有價值, 又點?

瘋狂吸啜信德

好耐無更新組合.....

輸到咁仲有咩好講....

今日操作, 賣出1000 股長實@ 55, 之前係50 同53 分別撈了一手

瘋狂吸啜信德唔知幾多手, 估唔到瓊瓊真係唔派中期息...之前係三蚊瘋狂吸啜奶晒野

想係佢手上飲淡湯都唔係咁易

黎緊仲有一半濠尚入帳, 繼續吸啜望多排先...膽小者唔好亂啜....

利申
信德均價 2.8, 倉位15%
長實均價59, 倉位30%
長和均價77, 倉位25%
九建均價9.7, 倉位10%
1883均價2.3, 倉位15%

仲輸緊好多呀...誠哥出多兩錢力啦.....

一個朋友

最近身邊開始有越來越多朋友不斷分享屬於自己立場的片, 新聞

其中一個朋友自稱是理性討論者, 但點解我見佢分享的全是一面倒?

我開始奇怪, 點解無一個人會將不同意見的片都分享呢?

所謂譴責暴力的人, 我所見的也只是譴責不同立場的暴力行為

即使係主流媒體, 都只係盡全力咁報導某一方的不是, D 片越爆越好

我所見過兩條最痛心的片

一條係幾個警察壓住個成面血的後生仔, 個後生仔係咁講對唔住...

一條係今日有個媽媽抱住個仔想登機, 比人圍住, 佢喊住咁問點解....

我知, 你想話個後生仔自己攞黎, 出得黎就預左?

我知, 你想話班後生都係想爭取五大訴求, 係政府唔回應, 要怪就怪政府?


大家會唔會夜深人靜時回想一下, 呢兩三個月係咪突然有大量資訊舖天蓋地咁係我地身邊出現, 然後自已思想上也跟住出現了變化?

我地每日所看的, 媒體所報導的, 朋友share 的, 甚至係自己所堅持緊的立場, 是否真係咁理所當然同無懈可擊?

從我朋友身上, 我發現某種思想一但稙入腦中, 就會不斷自我強化

我之所以打緊呢篇文, 可能都只係因為某種自己強化了的想法, 但我不認為我一定是對的, 學某個前輩講, 係你想說服人之前, 請你先假定你係所有人當中最無知的, 你先可以同人理性討論

當然, 依我暫時所見, 跟本就無人想理性討論

"理性討論? 你無野下?喂黑白是非已經好明顯啦? 你仲有咩想要討論? "







飲大兩杯...失言了

長和5厘

我就黎頂唔住啦.....

長和就黎5厘啦...

好想好想好想大大一注買落去之後唔理呀...

忍呀忍呀....

長和係誠哥年代從未減過派息, 除非鉅頭打破傳統, 咁我真係抵輸...當自己高位買左龍床盤吧

買入長實, 信德

暫時決定撥出 2成資金分三注增持港股, 今日買入1113, 242

下一注看情況入17, 1113, 34

每增持一次, 個腦就會少一分理性, 要係自己仲可以清醒時制定策略

上月以為條例過唔到就可以繼續音樂椅, 事後証明係錯的

買貨唔係代表我看好, 正因為唔知幾時先會復原, 先要開始慢慢買