買入遠展

買入9000股遠展 (35)

信德連個走勢都勁似嘉華, 當年又係一買就上, 4蚊升到5.8唔走, 之後跌到3.2 而家先番家鄉..

今次會有進步嗎?

矛盾只因深愛著

黎緊年尾有水回塘, 加埋手上的現金, 真好想加注落誠誠度

有幾次已經入到去禁制落盤, 最後都決定要忍

要按計劃進行真係好難, 唔知各位點樣可以克服自己?

信德集團可愛的地方

信德集團, 其實就係澳門版的嘉華, 平時搞下地產同收租酒店, 重點係持有約6%澳博

尋日終於出現爆點, 股權爭霸戰

信德持有澳娛11%左右, 澳娛持有澳博超過5成股權, 意思係得澳娛者得澳博

信德本身都唔係殼, 大大個新盤係度, 澳門人都知佢幾賣得, 可以話係2018年賣得最好的新盤, 分三年入帳, 今年起碼入帳20億, 加上一大堆睇得唔打得的資產

噴射: 每年收入三兩億, 條橋有影響so what? 唔明有乜好擔心, 而且金巴佢有分
酒店: 打醬油
收租: 每年兩三億固收, 夠派息
地產: 澳門玩埋今個大盤就無, 主力應該係大陸醫療城, 橫琴同新加坡

加上澳娛隱藏資產一直以成本入數, 而且得澳娛者得天下, 期待下


但係

大股東人品出名差, 唔知佢有咩殺著, 可能為左爭產玩供股質低個價私有化信德, 又或者搞增發攤薄, 為左爭產有咩做唔出?

如果個大股東係誠誠? 我即刻賣樓ALL IN 啦, 不過又咁講, 唔係咁, 會咁平咩?

控制注碼, 就能控制自己

脫歐鬧劇

又係你地話脫, 玩大左又想收手, 珊姐只執行"民主"結果又要被人話無盡力?

無論有咩方案都話唔滿意, 最好係歐盟每年送一千億比你地洗, 成班KAI 頭淨係想舒服無諗過後果, 到奶左野又話唔關我事架我乜都唔知架唔係我經手架

法國又係咁, 搞到一PAT 屎, 個總統不是你地班KAI 頭選出黎的嗎? 選完啦, 又唔支持人地執政, 喂你玩晒啦咁好無呀?

不如所有參加公投同選舉的人都要實名, 到時邊個嘈就公開你地D 選票, 唔係個個都亂9 咁投又唔洗負責任, 你未好著數?

唔係長和系有大把業務係英國同歐洲, 真係想睇下你班KAI 子點樣收科

從誠哥看未來

尋日睇左一個新聞係講Amazon 貝哥點發跡, 佢話做未來兩至三年的事, 要成功非常難, 但當你做七至八年的事, 突然成功唔係咁難

AWS 我相信係貝哥誤打誤撞之下"步署"左好多年, 最後就救左全家

又睇番我偶像誠誠同鉅爺, 一路強調呢個係種樹遊戲, 要學佢地真係好難

能源/港口/電商/基建, 我等小輩可以有看七八年的勇氣嗎?



另外係長和年報搵到以下一段, 或者呢個係零售業務的真正存在價值, 現金流呀!

2019 組合和最高回報的投資

001 - 3500
1113 - 5500
242 - 20000
173 - 28000
3988 - 17000
1883 - 63000

組合1M左右, 希望收到4%一年啦, 黎緊一年戒戒戒亂郁



係度想講下我人生最高回報的投資, 就係.........虛擬貨幣!!! 哈哈

係幾年前我比一個朋友拉左我買, 當時我覺得好無聊, 為左應付佢我俾左一萬蚊, 無理過

呢個朋友係好熟好熟, 佢係一個好專業的人士, 先可以令我投入大拿拿一萬蚊

一年後後呢一萬變左四萬

半年之後呢四萬變左十萬

最高峰係2017年尾, 呢一萬變左廿五萬 (回報達25倍!!)

你以為係數字遊戲? 我為左測試, 真係拎左萬五蚊人仔出黎洗, 哈哈

之後爆跌...而家大概仲有四萬左右吧, 當做個實驗囉, 反正零成本了